Aýǵanstannyń ortalyq bóligindegi Gazni qalasynda bolǵan jarylystan jeti politsei qaza taýyp, taǵy 15 qyzmetker jaraqat alǵan, dep habarlaidy eldiń TOLONews telearnasy.
Telearnanyń habarlaýynsha, oqiǵa 8 tamyz kúni keshke bolǵan. Qoǵamdyq qorǵanys kúshteri bólimshesiniń janynda mina qoiylǵan kólik jarylǵan. Jarylystan keiin birden bólimshege shabýyl jasalǵan. Biraq shabýyldaýshylar kóp uzamai joiyldy.
Aýǵanstannyń Ishki ister ministrliginiń resmi ókili Tarik Arian jaraqat alǵandar Kabýlǵa tikushaqpen jetkizilgenin, olardyń úsheýiniń jaǵdaiy aýyr ekenin habarlady.
Ázirge eshqandai terroristik top shabýyl jasaǵany úshin jaýapkershilikti óz moinyna alǵan joq.
