Aýǵanstannyń Tájikstandaǵy elshisi Muhammed Zohir Agbar eks-prezident Ashraf Ǵanidiń elden qashýynyń mán-jaiyn aitty. Onyń aitýynsha, Ǵani elden qashqan kúni úkimetpen kezdesýdi josparlaǵan, biraq sheneýnikterge kúttirip qoiyp, ózi otbasymen Kabýldan ushyp ketken, - dep habarlaidy Tengrinews.kz tilshisi RIA Novostige silteme jasap.
Agbar Ashraf Ǵani keńesshisi Qorǵanys ministrligine telefon soǵyp, kezdesýge 16.00-de keletinin aitqan. Bári ony daiyndalyp kútken, biraq dál osy ýaqytta Ǵani men onyń týystary otyrǵan úsh ushaq Aýǵanstannan ushyp ketken.
Onyń aitýynsha, Ǵanidiń satqyndyǵynan "Taliban" qozǵalysy (Qazaqstanda Joǵarǵy Sottyń sheshimi boiynsha Qazaqstanda tyiym salynǵan) eldegi bilikti ońai basyp aldy: ol úkimetten adal sheneýnikterdi almastyryp, olardyń ornyna tájiribesiz kadrlar alǵan.
"10 táýlik ishinde tálipter eldegi 32 provintsiia men 360 aimaqty basyp aldy, degenmen bul eldiń armiiasy NATO-da daiyndyqtan ótip, zamanaýi qarý-jaraqtarǵa ie bolǵan", - dep eske aldy diplomat.
Buǵan deiin Aýǵanstan prezidenti Ashraf Ǵani Kabýldan aqshaǵa toly kóliktermen birge qashyp ketkenin, onymen birge alyp ketýge bolmaityn nárselerdi áýejaidyń ushý-qoný jolaǵynda qaldyrǵany habarlanǵan. Muhammed Zohir Agbardyń aitýynsha, Ǵani qazynadan shamamen 160 million dollar urlaǵan.
Keiin jelide eldiń eks-kóshbasshysynyń qashyp ketkeni túsirilgen video paida bolǵan.
Keiingi málimetter boiynsha, Ǵani men onyń otbasy BAÁ-de.
