Foto: Polisia.kz
Almaty qalasynyń áýejaiyndaǵy jelilik politsiia bóliminiń qyzmetkerleri, Almaty qalasynyń Aviatsiialyq kólik prokýratýrasynyń úilestirýimen, Almaty – Dýbai, Almaty – Praga jáne Almaty – Gonkong halyqaralyq baǵyttary boiynsha áýejaidaǵy ýaqytsha saqtaý qoimasy aýmaǵynda bótenniń múlkin birneshe ret urlaýmen ainalysqan 29 jastaǵy azamattyń qylmystyq áreketiniń jolyn kesti, – dep habarlaidy «Ult aparat» Polisia.kz-ke silteme jasap.
Ustalǵan azamat áýejaidyń ýaqytsha saqtaý qoimasynda júk tieýshi bolyp jumys istep júrip, osy jyldyń qańtar-naýryz ailary aralyǵynda jalpy somasy 7 645 371 teńge quraityn múlikti urlaǵan. Kólik politseilerimen jedel tártipte urlyq faktisi boiynsha sotqa deiingi tergep-tekserý júrgizýi barysynda zattai dáleldemeler tárkilendi.
Almaty qalasy Túrksib aýdandyq sotynyń úkimimen quqyq buzýshy barlyq aýyr faktiler boiynsha kináli dep tanylyp, oǵan 3 jyl 6 aiǵa bas bostandyǵynan aiyrý jazasy taǵaiyndaldy.
Óz kezeginde, elimizdiń áýe kóligi qyzmetterin paidalanatyn azamattarǵa jeke zattaryna qyraǵy bolýdy, saqtyq sharalaryn saqtaýdy, quqyq buzýshylyq anyqtalǵan jaǵdaida quqyq qorǵaý organdaryna dereý habarlaýdy taǵy da eske salamyz.
