Aviatasymaldardy memlekettik retteý azamattyq aviatsiia naryǵynyń damýyna kedergi keltiredi. Bul jaiynda Senat depýtattarynyń saýalyna QR Premer-Ministri Asqar Maminniń jaýabynda aitylǵan, dep habarlaidy QazAqparat.
«Búginde Aqtaý halyqaralyq áýejaiynan aptasyna ishki baǵyttar boiynsha 107 reis, halyqaralyq baǵyttar boiynsha 23 reis oryndalýda. onyń ishinde 8 ishki baǵyt: Nur-Sultan, Almaty, Shymkent, Atyraý, Kókshetaý, Aqtóbe, Oral, Túrkistan jáne 10 halyqaralyq baǵyt: Máskeý, Stambýl, Tbilisi, Gorgan, Úrgenish, Nókis, Erevan, Kýtaisi, Groznyi, Dýbai. 2012 jyldan bastap ishki aviatasymaldar naryǵy tolyǵymen yryqtandyrylǵanyn jáne reister sany men baǵyttar boiynsha shekteýler joq ekenin atap ótý qajet. Iaǵni turaqty ishki kommertsiialyq áýe tasymaldaryn oryndaýǵa ruqsaty bar. Árbir qazaqstandyq aviakompaniia ishki marshrýtta suranysqa sáikes ózine qajetti kez kelgen ýaqytta turaqty reisterdi oryndaýyna bolady. Osyǵan bailanysty turaqty ishki reisterdi oryndaýǵa ruqsaty bar qazaqstandyq aviakompaniialarda ishki turaqty tasymaldar naryǵynda qandai da bir shekteýler joq», - delingen Úkimet basshysynyń jaýabynda.
Onyń atap ótinshe, halyqaralyq qatynastardy ashý boiynsha jumys QR Densaýlyq saqtaý ministrligimen kelise otyryp, Qazaqstan Respýblikasynyń aýmaǵynda koronavirýstyq infektsiianyń paida bolýy men taralýyna jol bermeý jónindegi vedomstvoaralyq komissiianyń sheshimderi negizinde, sondai-aq shet memleketterdiń engizilgen shekteýlerin eskere otyryp júzege asyrylyp jatyr. Vedomstvoaralyq komissiianyń sheshimderine sáikes qazirgi ýaqytta Aqtaý qalasynan aptasyna 23 reis jiiligimen 8 baǵyt boiynsha 7 elge halyqaralyq reister oryndalýda.
«Aviabiletter qunyn tómendetýga qatysty Qazaqstan Respýblikasynda áýe kóligindegi baǵalardy memlekettik retteý alynyp tastalǵanyn atap ótý qajet. Aviatasymaldardy memlekettik retteý azamattyq aviatsiia naryǵynyń damýyna kedergi keltiredi. Qazaqstan Respýblikasynyń áýe tasymaldary naryǵyndaǵy baǵyttardyń kópshiliginde tasymaldardy birneshe tasymaldaýshylar oryndaidy. Osyǵan bailanysty, tarif belgileýdi retteýdi engizý básekelestikke teris áser etedi», - dedi ol.
