Aqtóbe qalasyndaǵy Áýe qorǵanysy kúshteriniń Áskeri institýtyna jańa basshy taǵaiyndaldy, dep habarlaidy "Ult aqparat".
QR Qorǵanys ministriniń buiryǵyna sáikes áskeri JOO-ǵa basshylyq etý aviatsiia general-maiory Dáýren Qosanovqa tapsyryldy.
Ministrlikten málim etkendei, institýttyń jeke quramyna jańa basshyny QR Áýe qorǵanysy kúshteriniń Bas qolbasshysy aviatsiia general-maiory Nurlan Karbenov tanystyrdy. Ol Dáýren Qosanovtyń tájiribeligi men jeke qasietterin atap ótip, jumysyna sáttilik tiledi.
«Sizge jai ǵana Áýe qorǵanysy kúshteriniń Áskeri institýtyn basqarýdy senip tapsyrǵan joqpyz. Búgingi kúnnen bastap Qazaqstannyń áskeri aviatsiiasynyń bolashaǵy sizdiń qolyńyzda. Elimizdiń áýe shebiniń qaýipsizdigi, sizdiń kýrsanttardy tárbieleýińizge bailanysty», - dedi Bas qolbasshy.
D.Qosanov – tájiribeli áskeri ushqysh. Ol Armavira joǵarǵy áskeri aviatsiia ýchilishesin, Resei Federatsiiasy Qarýly Kúshteri Bas shtabynyń áskeri akademiiasyn támámdaǵan. Úsharaldaǵy joiǵysh polkinde qyzmet etýdi bastap, Taldyqorǵandaǵy Sý-27 joiǵysh ushaǵyn basqardy. Qaraǵandy shtabynyń bastyǵy jáne Shymkent aviatsiialyq bazasynyń komandiri bolyp qyzmet etti. Áskeri ushqysh retinde general-maior Qosanov ushaqtyń kóptegen túrlerin meńgerdi. Atap aitqanda, SÝ-25 shabýyldaý ushaǵy, Sý-27 joiǵysh-bombalaýshy ushaǵy, Sý-30SM kópfýnktsiianaldy joiǵyshy.
2013 jyldan bastap QR Áskeri áýe kúshterin basqardy. 2015 jyly QR Prezidentiniń Jarlyǵymen oǵan aviatsiia general-maiory ataǵy berildi.
II dárejeli «Aibyn» ordenine, «Jaýyngerlik erligi úshin», 1, 2 jáne 3 deńgeili «Minsiz eńbegi úshin» medaldaryna, sondai-aq birqatar mereitoilyq marapattarǵa ie.
