Musylman qyz ushaqqa kirerden buryn oramalyn sheshýdi talap etken Air Canada áýe kompaniiasynyń qyzmetkerlerine shaǵymdandy, dep jazdy Independent.
12 jastaǵy sportshy Fatima Abdelrahman skvoshtan Qurama Shtattar quramasymen birge San-Frantsiskodan ushýy tiis bolǵan.
Ol kedendik baqylaýdan ótkennen keiin áýe kompaniiasynyń qyzmetkerleri onyń bet-álpeti pasportta basqasha ekenin alǵa tartyp, hidjabyn sheshýdi ótingen.
Qyz áielder ǵana bolatyn bólmede sheshetinin aitqanda, oǵan olar kónbegen.
"Meniń hidjabymdy sheshý – kez kelgen kiimdi sheshý sekildi emes. Bul denemniń bir bóligin alyp tastaǵanmen birdei. Hidjab – meniń bir bóligim", - dedi Fatima keiinirek.
Twitter-de qyzdyń ápkesi bul týraly jazǵannan keiin oqiǵanyń mán-jaiy anyqtaldy.
Amerika-islam qatynastary keńesi Air Canada kompaniiasynan qyzdan keshirim suraýdy jáne kemsitkeni úshin ótemaqy tóleýdi talap etti.
