© AFP 2022 / HECTOR RETAMAL
Qazaqstanda áýe kompaniialary ushýǵa shekteý qoiylatyn jolaýshylardyń tizimin jasaidy. Bul týraly azamattyq aviatsiiany damytý máseleleri jaily salalyq keńeste aityldy, dep habarlaidy Sputnik Qazaqstan.
"Áýe kompaniialaryna ushýǵa shekteý qoiylatyn adamdardyń jeke tizimin jasaýǵa múmkindik beretin norma engizilmek. Oǵan ushaqta tártip buzǵan jáne onysy zańmen dáleldengen jolaýshylar ǵana enýge tiis", - delingen indýstriia jáne infraqurylymdyq damý ministrligi baspasóz qyzmetiniń habarlamasynda.
Sondai-aq IIDM Azamattyq aviatsiia komiteti aldaǵy eki jylda ushý qaýipsizdigi standarttaryna sáikestik deńgeiin 90%-ten asyryp, IKAO aýditinen sátti ótýdi kózdep otyr. Qazirgi tańda Qazaqstan ushý qaýipsizdigin qamtamasyz etý deńgeiin 84%-ke deiin kóterdi. Bul – ortasha álemdik kórsetkishten 15%-ke joǵary.
Budan bólek, AQSh-qa tikelei reister ashý aiasynda Qazaqstannyń aviatsiialyq ákimshiligi men AQSh kólik qaýipsizdigi ákimshiligi arasynda yntymaqtastyq jalǵasady.
Vedomstvo málimetinshe, elimizde áýe kóligi infraqurylymyn jańǵyrtý aiasynda 6 nysanda jumys júrip jatyr. Olar: Shymkent áýejaiy jańa terminalynyń qurylysy, Oral áýejaiynyń terminalyn, Qostanai áýejaiynyń aerovokzal keshenin, Óskemen áýejaiynyń ushý-qoný jolaǵyn, Úrjar jáne Úsharal áýejailaryn jańǵyrtý jobalary.
Sonymen qatar, keńeste salany áýe otynymen qamtamasyz etý, tariftik saiasat jáne mamandarǵa qatysty máseleler talqylandy.
IIDM málimetinshe, jyl saiyn munai óńdeý zaýyttaryndaǵy jóndeý jumystaryna bailanysty aviaotyn tapshylyǵy týyndaidy. Qazir jaǵdai birshama turaqtandy, alaida máseleni júieli sheshý úshin ministrlik qysqa jáne uzaq merzimdi perspektivaǵa usynystar daiyndap, olardy energetika ministrligimen birge pysyqtap jatyr.
