Foto: Viktor Fediýnin/Kazinform
Aqtaý qalasynyń mańyńda Azerbaijan Airlines ushaǵy apatqa ushyraǵannan keiin, tiisti organdar dereý iske kirisip, qutqarý operatsiia aiasynda qajet sharalar qabyldandy. Bul týraly Senat tóraǵasy Máýlen Áshimbaev málim etti.
- Keshe Mańǵystaý oblysynda bolǵan ushaq apaty bárimizdiń qabyrǵamyzdy qaiystyryp ketti. Ókinishke qarai, apat saldarynan ekipaj músheleri men jolaýshylar qaza tapty. Olardyń arasynda Qazaqstan azamattary da bar ekeni belgili. Osyǵan bailanysty barlyq qaza tapqandardyń otbasylary men jaqyndaryna qaiǵylaryna ortaqtasyp, kóńil aitamyz, - dedi M.Áshimbaev Senattyń jalpy otyrysynda.
Bul turǵyda ol tótenshe jaǵdaiǵa bailanysty Prezident Qasym Jomart Toqaevtyń tapsyrmasymen memlekettik komissiia qurylǵanyn eske saldy.
- Soǵan sáikes tiisti organdar dereý iske kirisip, qutqarý operatsiia aiasynda qajet sharalar qabyldandy. Der kezinde qolǵa alynǵan osyndai jumystar zardap shekkenderdiń tezirek saýyǵyp ketýine oń áserin tigizedi dep senemiz jáne tilektestigizdi bildiremiz, - dedi Senat tóraǵasy.
Aita keteiik, 25 jeltoqsanda Senat spikeri Máýlen Áshimbaev Aqtaýdaǵy ushaq apatynan qaza tapqandardyń jaqyndaryna kóńil aitty.
Eske salsaq, Ázerbaijan elordasy Bakýden Reseidiń Groznyi qalasyna baǵyt alǵan Azerbaijan Airlines ushaǵy Qazaqstan aýmaǵynda apatqa ushyrady.
Aqtaýdaǵy ushaq apatynyń hronologiiasy jariialandy.
Aqtaýdaǵy áýe apatynan mert bolǵan qazaqstandyqtar anyqtaldy.
Keiinnen ushaq apatynan qaza tapqan qazaqstandyqtardyń otbasylaryna qarjylai kómek kórsetiletini aityldy.
Memleket basshysy Qasym-Jomart Toqaev Ázerbaijan Prezidenti Ilham Álievke kóńil aitty.
