Iz-tússiz joǵalǵan argentinalyq fýtbolshy Emiliano Salanyń máiiti batyp ketken ushaqtan shyǵarylyp, Britaniianyń Portlend qalasyna jetkizildi.
Aqparatty Dorset graftyǵynyń politsiiasy rastady, dep habarlady Sputnik R-sport agenttigine silteme jasap. Tragediiany tergeý jumystary jalǵasyp jatyr. Ushaqtyń ózi dúisenbi kúni tabylǵan.
Emiliano Sala men ushqysh otyrǵan jeńil qozǵaltqyshty ushaq 22 qańtarǵa qaraǵan túni radardan joǵalyp ketken. Áýede sportshy ushaq qulaiyn dep jatqanyn jáne qatty qorqyp otyrǵanyn jazǵan.
1990 jyly týǵan Sala buǵan deiin Frantsiianyń "Nant" fýtbol klýbynda oinaǵan, qańtarda "Kardiff" fýtbol klýbyna aýysyp, Ulybritaniiaǵa ushyp shyqqan beti eken.
Politsiia bortta aman qalý múmkin emes ekenin aityp, áýe kemesin izdestirýdi toqtatqan. Izdestirý-qutqarý operatsiiasy qaiyrymdy jandardyń qarjysymen jalǵasyn tapty. Olardyń arasynda "Parij-Sen-Jermen" shabýylshysy Kilian Mbappe men "Marsel" jartylai qorǵaýshysy Dimitri Paiet boldy.
Ushaq La-Mansh buǵazynyń túbinen tabyldy.
sputniknews.kz
