Aýdit arqyly 1 trln 340 mlrd teńge biýdjet qarajaty qamtyldy. Bul týraly Úkimet otyrysynda biylǵy jeti aidaǵy áleýmettik-ekonomikalyq damýdy talqylaý kezinde Qarjy ministri Erulan Jamaýbaev aitty, dep habarlaidy QazAqparat.
«Aǵymdaǵy jylǵy 7 aidyń ishinde kameraldyq baqylaýmen somasy 4,9 trln teńgege 583 myń memlekettik satyp alý rásimi qamtyldy. Tekserý qorytyndylary boiynsha 17 myń rásim boiynsha buzýshylyqtar anyqtaldy. Memlekettik aýdit obektileri ereje buzýshylyqtardy joiý týraly 16,5 myń habarlamany oryndady. 1 978 aýditorlyq is-shara ótkizildi. Aýditpen 1 trln 340 mlrd teńge biýdjet qarajaty qamtyldy. 139 mlrd teńge somasynda qarjylyq buzýshylyqtar anyqtaldy», - dedi E. Jamaýbaev.
Onyń aitýynsha, taýarlardy jetkizýmen, qyzmetterdi kórsetýmen jáne jumystardy oryndaýmen qalpyna keltirý, biýdjetke óteý jáne esepte kórsetý jolymen 90 mlrd teńgege talaptardy buzýshylyqtar joiyldy. Aýdit obektileri qyzmetin jetildirý jáne tiimdiligin arttyrý úshin 1 775 usynym berildi.
