QR Prezidenti Qasym-Jomart Toqaev Úkimettiń josparlaý júiesin synǵa aldy, dep habarlaidy "Ult aqparat".
«Eń ózekti máselelerdiń biri – únemi jetkilikti qarjylandyrmaý. Máselen, 2018 jylǵy indýstriialandyrý baǵdarlamasy 35% ǵana qarajatpen qamtamasyz etilgen», - dedi Qasym-Jomart Toqaev Úkimettiń keńeitilgen otyrysynda.
Memleket basshysy qarjylandyrýmen birge strategiialyq maqsattarǵa jetýdiń de keiinge ysyrylatynyn atap ótti.
«Munda josparlaý deńgeiiniń tómen ekeni kórinip tur. Qarajatpen qamtamasyz ete almaityn nárseni josparlaýdyń qajeti ne? Sáikes jobalar men baǵdarlamalardyń tiisinshe qarjylanýyn qadaǵalaý kerek. Obektivti saraptama negizinde máseleni sheshýdiń tiimdirek joldary usynylýy kerek. Indýstriialandyrýdyń úshinshi besjyldyǵyna aýyspai turyp, bul meniń Úkimetke tapsyrmam, barynsha baiypty, shynshyl kózben qaraǵan jón. Aýadan sarai turǵyzǵandy qoiý kerek», - dedi Qasym-Jomart Toqaev.
