Sinoptikter 23-25 shildege aýa raiy boljamyn usyndy, dep habarlaidy "Ult aqparat" Qazgidrometke silteme jasap.
«Qazaqstannyń soltústik jáne shyǵys bóligine Jaiyq óńirinen salqyn jáne ylǵaldy aýa massalary kelip jatyr. Ońtústik-shyǵys baǵytta jyljityn atmosferalyq aǵyndarmen birge bul óńirlerde kún kúrkirep, naizaǵaily jańbyr, kei jerlerde qatty nóser jaýyp, daýyldy jel turyp, arty burshaqqa ainalýy yqtimal. Biraq elimizdiń ońtústik óńirlerinde Iran aýmaǵynan ystyq aýa massalarynyń kelýimen 38 ... 45°S ystyq aýa raiy saqtalady», delingen habarlamada.
