Elimizdiń ońtústik jáne ońtústik-shyǵysyndaǵy meteorologiialyq jaǵdailar biyl astyqtyń bitik shyǵýyna qolaily boldy, dep habarlaidy "Ult aqparat" Qazgidromettiń baspasóz qyzmetine silteme jasap.
«Eseptik derekterge sáikes, qalyptasqan jáne kútiletin agrometeorologiialyq jaǵdaidy eskere otyryp, Almaty, Jambyl jáne Túrkistan oblystarynda kúzdik bidaidyń ónimdiligi negizinen ortasha kópjyldyq mánderge jýyq bolady dep boljanady. Jambyl oblysynyń Rysqulov, Shý jáne Sarysý aýdandarynda, sondai-aq Túrkistan oblysynyń Saryaǵash aýdanynda kúzdik bidaidyń ónimdiligi ortasha kópjyldyq mánnen joǵary bolmaq», - delingen habarlamada.
