Qazgidromettiń sinoptikteri Jańa jyl merekesinde aýa raiy qalai bolatynyn aityp berdi, dep habarlaidy "Ult aqparat".
Qazgidromettiń habarlaýynsha, 2020 jyldyń 25-31 jeltoqsan aralyǵynda eldiń soltústik jáne shyǵym aimaqtarynda kún kúrt sýidy.
«Termometr kórsetkishi 35-42 gradýsqa deiingi minýs temperatýrany kórsetedi. Iaǵni Qazaqstannyń búkil aýmaǵynda kún ádettegiden sýyq bolady. Joǵaryda atalǵan kezeńniń ortasynda anlantikalyq tsiklonnyń ornyn jylý men ylǵaldyń mol qory aýystyrady. Sol sebepti azdaǵan jańbyr men qar jaýady.
Aýa temperatýrasy qysqa aralyqta jylidy. Alaida kezeńniń sońynda sýyq antitsiklon qaita enip, jaýǵan qar toqtap, Qazaqstanda qaita aiaz túsedi: bul kezde Qazaqstannyń Soltústik aimaqtarynda 35-45 gradýsqa deiin kún sýidy», - dep habarlaidy Qazgidrometten.
Sinoptikterge sensek, 2021 jyldyń 1 jáne 2 qańtarynda elordada kóshpeli bult júrip, sekýndyna 5-10 metrlik jel soǵady. Kúndiz 25-30, túnde 32-37 gradýsqa deiin sýyq bolady.
Almatyda qańtardyń alǵashqy kúnderi kóshpeli bult júredi, jańbyr jaýmaidy. Kúndiz 20-25, túnde 23-28 gradýsqa deiin sýyq bolady.
Shymkentte te 1 jáne 2 qańtarda kóshpeli bult júrgenimen, jańbyr jaýmaidy. Sekýnddyna 5-10 metrlik jel soǵady. Kúndiz 10-15, túnde 15-20 gradýsqa deiin sýyq bolady.
Jańa jyldyń basynda salqyn Sibir antitsiklony Qazaqstannyń basym bóligindegi aýa-raiyn anyqtaidy. Aýa temperatýrasy:
• batysta túnde minýs 10-20 gradýs, kúndiz minýs 5-13 gradýs;
• ońtústik batysta minýs 5-13 gradýs, kúndiz -5 + 5 gradýs;
• soltústik-batysta túnde minýs 25-33, kúndiz minýs 12-20 gradýs;
• soltústikte, shyǵysta, ortalyqta minýs 32-37, kei jerlerde minýs 43, kúndiz minýs 25-35 gradýs;
• ońtústikte minýs 15-28 gradýs, kúndiz minýs 10-20 gradýs;
• ońtústik-shyǵysta minýs 23-35, kúndiz minýs 20-28 gradýs bolady.
