«Qazgidromet» RMK aýa raiynyń buzylýyna bailanysty birneshe óńirde eskertý jariialady, dep habarlaidy «Ult aqparat».
19-20 aqpanda Shyǵys Qazaqstan oblysynda qar jaýady, kei jerlerde qar qatty jaýatyny boljanady. 19 aqpanda qar aralas jańbyr bolady. Sondai-aq burqasyn, kóktaiǵaq kútiledi. Ońtústik-batystan soǵatyn jel soltústik-shyǵysqa aýysyp, ekpini 23-28 m/s jetýi yqtimal. Aýa temperatýrasy 2-7 gradýs jyly, kei jerlerde 2-7 gradýs aiazdan 15-20, 20-25 gradýs aiazǵa deiin kúrt tómendeýi múmkin.
19 aqpanda Mańǵystaý oblysynyń kei jerlerinde tuman, kóktaiǵaq bolady.
19 aqpanda Aqmola oblysynda jaýyn-shashyn, kei jerlerde qatty jaýyn-shashyn (jańbyr, qar) bolady. Jekelegen aýmaqtarda tuman, burqasyn, kóktaiǵaq kútiledi. Jeldiń jyldamdyǵy 23-28 m/s kúsheiedi. Aýa temperatýrasy 2 gradýs aiaz -3 gradýs jyly, kei jerlerde 9-14 gradýstan 16-21 gradýs aiazǵa deiin tómendeýi múmkin.
19 aqpanda Qostanai oblysynyń kei jerlerinde burqasyn, tuman kútiledi. Soltústik-batystan jel soǵady, kúshi túnde 15-20, kei jerlerde 25 m/s jetedi.
19 aqpanda Nur-Sultan qalasynda jaýyn-shashyn (jańbyr, qar) bolady. Tuman, burqasyn, kóktaiǵaq boljanady. Soltústik-shyǵystan soǵatyn jel soltústik-batysqa aýysyp, kúshi 15-20 m/s quraidy. Aýa temperatýrasy 1-3 gradýs jylydan 15-17 gradýs aiazǵa deiin kúrt tómendeidi jáne odan ary tómendeýi kútiledi.
20 aqpanda Almaty oblysynda jaýyn-shashyn, kei jerlerde qatty jaýyn-shashyn (jańbyr, qar) jaýady. 19-20 aqpanda tuman kútiledi. 20 aqpanda kei jerlerde jaiaý burqasyn, kóktaiǵaq bolady. Ońtústik-batystan soǵatyn jel soltústik-batysqa aýysady, ekpini 23-28 m/s jetýi yqtimal. 19-20 aqpan aralyǵynda kúndiz aýa temperatýrasy 11-16, kei jerlerde 1-6 gradýs jylydan 0-5 gradýs jyly, kei jerlerde 5-10 gradýs aiazǵa deiin tómendeýi kútiledi.
19 aqpanda Qyzylorda oblysynda tuman, kóktaiǵaq kútiledi. Jel ońtústikten batysqa aýysyp soǵady, kúshi kei jerlerde 15-20 m/s artady. Aýa temperatýrasy 12-17, soltústikte 5, ońtústikte 20 gradýs jylydan 10 gradýs aiazǵa deiin kúrt tómendeidi.
20 aqpanda Jambyl oblysynda jaýyn-shashyn, kei jerlerde qatty jaýyn-shashyn (jańbyr, qar) boljanady. Sondai-aq tuman, jaiaý burqasyn, kóktaiǵaq kútiledi. 19-20 aqpanda ońtústik-batystan soǵatyn jel soltústik-batysqa aýysady, kúshi kei jerlerde 15-20 m/s artady. 19 aqpanda kúndiz jeldiń ekpini 23-28 m/s, oblystyń ońtústik-batysynda 30 m/s jáne odan joǵary kóterilýi yqtimal. Kúndiz aýa temperatýrasy 20-25, kei jerlerde 10-15, soltústikte 1-6 gradýs jylydan 5-10 gradýs aiazǵa deiin tómendeidi.
Kúndiz 19 aqpanda Túrkistan oblysynyń kei jerlerinde qatty jańbyr, kúndiz 20 aqpanda taýly aimaqtarda qatty qar jaýady. Kei jerlerde tuman, kóktaiǵaq kútiledi. 20 aqpanda táýlik boiy jeldiń kúshi 15-20 m/s, 19 aqpanda oblystyń basym bóliginde 15-20 m/s, ekpini 23-28 m/s artady. Taýly aimaqtarda 30 m/s jáne odan joǵary jyldamdyqta jel turady. 19-20 aqpan aralyǵynda kúndiz aýa temperatýrasy 21-26, kei jerlerde 11-16 gradýs jylydan 0-5 gradýs aiazǵa deiin tómendeýi múmkin.
19 aqpanda Qaraǵandy oblysynyń basym bóliginde jaýyn-shashyn (jańbyr, qar) kútiledi. Kei jerlerde tuman, burqasyn, kóktaiǵaq bolady. Jel ońtústik-shyǵystan soltústik-batysqa aýysyp, kúshi 15-20 m/s, 23-28 m/s deiin artady.
19 aqpanda Pavlodar oblysynyń basym bóliginde jaýyn-shashyn (jańbyr, qar) kútiledi. Kei jerlerde tuman, burqasyn, kóktaiǵaq boljanady. Jel soltústik-shyǵystan soltústik-batysqa aýysady, ekpini 23-28 m/s kúsheiedi.
19 aqpanda Soltústik Qazaqstan oblysynda qar, kei jerlerde qatty qar kútiledi. Sonymen qatar, qar, tuman, burqasyn bolady. Jel soltústik-shyǵystan soltústik-batysqa aýysady, kúshi 23-28 m/s artady.
