Qazgidromet elimizdiń 10 óńirinde aýa raiyna qatysty eskertý jariialady, – dep habarlaidy TJK baspasóz qyzmeti.
20 mamyrda Nur-Sultan qalasynda naizaǵai oinap, ońtústik-batystan soqqan jeldiń jyldamdyǵy sekýndyna 15-20 metrge jetedi.
20 mamyrda Almaty qalasyndaǵy taý betkeilerinde kóshkin júrý qaýpi bar.
20 mamyrda Aqmola oblysynda jańbyr-burshaq jaýady, naizaǵai oinap, tuman túsedi túsedi. Jeldiń ekpini sekýndyna 15-20 metrge jetedi. Kúndiz Almaty oblysynyń basym bóliginde jańbyr keide burshaq jaýady, naizaǵai oinap, tuman túsedi. jeldiń ekpini sekýndyna 17-22 metr bolady. Óńirdegi taýda kóshkin-sel qaýpi bar.
20 mamyrda Batys Qazaqstan oblysynda naizaǵai oinap, burshaq jaýady, jeldiń ekpini sekýndyna 15-20 metr bolady. Qostanai oblysynda naizaǵai oinap, tuman túsedi, jeldiń ekpini sekýndyna 15-20 metrge jetedi. Qyzylorda oblysynda naizaǵai oinap, jeldiń ekpini sekýndyna 15-20 metr bolýy yqmtial. Mańǵystaý oblysynda shańdy daýyl soǵady, jeldiń ekpini sekýndyna 18 metrge jetedi.
20 mamyrda Soltústik Qazaqstan oblysynda naizaǵai oinap, daýyl soǵady, burshaq jaýýy múmkin, tuman túsedi, jeldiń ekpini sekýndyna 15-20 metr, kúndiz sekýndyna 25 metr jetýi múmkin. Túrkistan oblysynda daýyl soǵady, jeldiń ekpini sekýndyna 15-20 metrge jetedi.
Tótenshe jaǵdailar komiteti turǵyndarǵa aýa raiynyń kúrt qubylýyn nazardan shyǵarmaýdy suraidy. Daýyldy eskertý týraly habarlamaǵa qulaq asyp, qajetti saqtyq jasaý kerek. Jeldiń jyldamdyǵy sekýndyna 15-20 jáne tipti sekýndyna 30 metrge deiińn kúsheiedi. Eldi mekenderde qaýipsizdik tehnikasynyń basty erejesin ustaný kerek.
Shaǵyn qalalar men megapolisterde daýyl kezinde zardap shegý yqtimaldyǵy joǵary bolady. Qatty daýyl soqqanda úidegi barlyq tereze tyǵyz jabylýy tiis. Tolyq jabylmaǵan balkon men lodjiiadan qatty jel kezinde syrtqa úshyp ketýi múmkin barlyq zatty (qumyra, jáshik, shólmek jáne t.b.) alyp tastaý kerek.
Turǵyn úi buryshyndaǵy balkondarda daýyl kezindegi ramasymen birge eski terezesi ushyp ketken jaǵdai kezdesedi. Kóshede daýyl turǵan kezde jarnama qalqandary (jáne basqa da aspaly qurylymdar), avtobýs aialdamasy, elektr baǵanasy men jelisi, sondai-aq aǵashtardan barynsha alys turyńyz. Ainalańyzǵa saq bolyńyz, ústige qulap ketýi múmkin zattardan alshaq bolýyńyz. Úzilgen symdar men qulaityn zattarǵa (aǵashtarǵa) jaqyndaýǵa bolmaidy.
«Qatty jel soqsa ol tyiylǵansha jaqyn mańdaǵy ǵimaratta nemese tabiǵi yqtasynǵa jasyryný qajet. Úlken aǵashtyń, ásirese terektiń astyna kólik qoiýǵa bolmaidy, óitkeni aǵash nemese onyń iri butaǵy qulap basyp qalýy múmkin. Shirigen jáne kári, sondai-aq jalǵyz turǵan aǵashtar da óte qaýipti. Úiden shyqpańyzdar, jaqyndaryńyzdy qorǵańyzdar», delingen eskertýde.
