«Qazgidromet» RMK elimizdiń 14 óńirinde aýa raiyna bailanysty eskertý jariialady, dep habarlaidy "Ult aqparat".
16 qyrkúiekte Aqmola oblysynda, Nur-Sultan jáne Shymkent qalalarynda jeldiń ekpini sekýndyna 15-20 metr bolady. Aqmola oblysynyń kei jerlerinde jeldiń jyldamdyǵy sekýndyna 28 metrge jetedi.
16 qyrkúiekte Aqtóbe oblysynda naizaǵai oinap, jeldiń ekpini sekýndyna 18, Atyraý oblysynda kei jerlerde naizaǵai, shańdy daýyl turyp, jeldiń ekpini sekýndyna 15-20 metr bolady.
16-17 qyrkúiekte Shyǵys Qazaqstan oblysynda jeldiń ekpini sekýndyna 15-20 metr bolyp, kúndiz sekýndyna 25 metrge jetedi.
16 qyrkúiekte Batys Qazaqstan oblysynda, Qaraǵandy oblysynda, Qostanai oblysynda jeldiń ekpini sekýndyna 15-20 metr bolady. Qostanai oblysynda kei jerlerde burshaq, tuman, daýyl bolyp, tańerteń jáne kúndiz kei jerlerde qatty jańbyr jaýady.
16 qyrkúiekte Qyzylorda oblysynda jáne Mańǵystaý oblysynda kúndiz naizaǵai oinap, shańdy daýyl turyp, jeldiń ekpini sekýndyna 15-20 metr bolady. Kúndiz órt qaýpi óte joǵary bolmaq.
16-17 qyrkúiekte Pavlodar oblysynda jáne Soltústik Qazaqstan oblysynda kei jerlerde naizaǵai oinap, daýyl turyp, kúndiz burshaq jaýady. 17 qyrkúiekte kei jerlerde qatty jańbyr jaýyp, jeldiń ekpini sekýndyna 15-20 metr bolady.
16 qyrkúiekte Túrkistan oblysynda kei jerlerde shańdy daýyl turyp, jeldiń ekpini sekýndyna 15-20 metrge jetedi, kei jerlerde sekýndyna 23 metr bolady.
Tótenshe jaǵdailar ministrligi azamattardy aýa raiynyń ózgeristerin baqylaýǵa shaqyrady.
