Aldaǵy úsh kúnde Qazaqstanǵa Barents teńizi jaqtan sýyq ári ylǵaldy aýa massalarynyń yǵysady. Sonyń áserinen respýblikanyń basym bóliginde jańbyr jaýyp, kún kúrkirep, qatty jel soǵady, dep habarlaidy Sputnik Qazaqstan.
Sinoptikterdiń boljamynsha, aldymen soltústikte, al dúisenbi kúni shyǵys pen ońtústik-shyǵysta aýa temperatýrasy tómendei bastaidy.
Sondai-aq, "Qazgidromet" RMK respýblikanyń birqatar oblysynda qatty jel soǵyp, burshaq jaýatynyn eskertti.
26-27 mamyrda Aqmola oblysynda ontústik-batystan soqqan jeldiń baǵyty soltústik-shyǵysqa aýysady. Jeldiń jyldamdyǵy 15-20 m/s, kei jerlerde ekpini 23-28 m/s quraidy. Buǵan qosa, naizaǵai oinaidy, daýyl soǵyp, burshaq túsýi múmkin.
Al 27 mamyrda kúndiz keibir aýdandarda nóser jańbyr jaýady.
Astanada: 26-27 mamyr kúnderi burshaq jaýýy yqtimal, ońtústik-batystan soqqan jeldiń baǵyty soltústik-shyǵysqa aýysady, jeldiń ekpini 25 m/s jetýi múmkin.
Qostanai oblysynda: 26 mamyrda kei jerlerde – tuman, naizaǵai, daýyl, burshaq boljanyp otyr. 23-28 m/s jyldamdyqpen jel soǵady.
Soltústik Qazaqstan oblysynda: 26 mamyrda soltústik-shyǵystan soǵatyn jeldiń kúshi 15-20 m/s, kei jerlerde ekpini 23-28 m/s boljanýda. Jańbyr jaýyp, naizaǵai oinaidy, sondai-aq, daýyl kóterilip, burshaq túsýi múmkin.
27-28 mamyrda Almaty oblysy men Almaty qalasynda, 28 mamyrda Shyǵys Qazaqstan jáne Jambyl oblystarynyń ózenderinde nóser jańbyrǵa bailanysty sý tasýy múmkin.
