© Photo: Press-slýjba Atyraýskogo neftepererabatyvaiýshego zavoda
Atyraýlyqtar munai óńdeý zaýyty jaqtan jaǵymsyz iis shyǵyp jatyr dep shaǵymdandy, áleýmettik jelide qala turǵyndary narazylyq bildirýde, dep habarlaidy Sputnik Qazaqstan.
"Sasyq iis shyqty, mysyǵym bir jerdi bylǵap ketken shyǵar dep oiladym, terezege jaqyndap barsam, iis daladan shyǵyp tur eken. Nemen tynystap jatyrmyz? Ne bolyp jatyr?" – dep shaǵymdandy atyraýlyqtar.
Atyraý oblysynyń ekologiia departamenti jaǵymsyz iis Atyraý munai óńdeý zaýyty men "Týhlaia balka" býlandyrý alańy jaqtan shyǵyp jatqanyn habarlady.
"Sońǵy kúnderi zaýyt jaqtan shynymen de jaǵymsyz iis shyǵyp jatyr. Osyǵan bailanysty jospardan tys tekserý uiymdastyramyz, onyń qorytyndysy týraly qosymsha habarlaimyz", - delingen Atyraý oblysy ekologiia departamentiniń habarlamasynda.
Atyraý munai óńdeý zaýyty sasyq iis býlandyrý alańynan shyǵyp jatqanyn atap ótti, dep jazdy atpress.kz.
"Qazirgi tańda "TAZALYQ" jobasy aiasynda býlandyrý alqaptarynda qalpyna keltirý jumystary jalǵasyp jatyr. Bul alańǵa 1945 jyldan beri jumys istep kele jatqan qalalyq káriz sýy, sondai-aq Atyraý munai óńdeý zaýyty men JEO-dan shyǵatyn normativti tazartylǵan aǵyn sýlar tógiledi. Aitylǵan kúnderdegi jeldiń baǵytyn eskersek, býlandyrý alańy jaǵymsyz iistiń yqtimal kózi bolyp tabylatyny anyq", - dep habarlady Atyraý munai óńdeý zaýyty.
Sondai-aq zaýyttyń baspasóz qyzmeti TAZALYQ jobasy aiasynda Atyraý munai óńdeý zaýytynda jańa mehanikalyq tazartý qurylysyn salý jumystary júrgizilip jatqanyn atap ótti. 2023 jyldyń qarashasynda qurylys aiaqtalyp, atmosferaǵa shyǵatyn ziiandy zattar toqtaidy dep josparlanyp otyr.
