Atyraý oblysynyń turǵyndary biylǵy qańtarda jalpy quny 18,8 million teńgege baǵalanǵan qymbat nómirlerdi satyp aldy, dep habarlaidy "Ult aqparat".
Atyraýda da kólik ieleriniń tarapynan úsh sany, ne eki shetki sany birdei nómirlerdi satylymǵa shyǵarylǵanda jurtshylyq oǵan asa bir mán bermegen edi. Al, qazir mundai nómirlerdi satyp alýǵa qyzǵýshylyq artyp keledi.
«Máselen, byltyr atyraýlyqtar mamandandyrylǵan halyqqa qyzmet kórsetý ortalyǵy arqyly 159,7 million teńgege 830 nómirdi satyp aldy. Al, biylǵy qańtarda osyndai 94 nómir satyldy. Ol úshin kólik ieleri 18,8 million teńge tóledi», - dep habarlady «Azamattarǵa arnalǵan úkimet» MK KEAQ Atyraý filialynyń baspasóz hatshysy Nurlybek Baqtyǵaliuly.
Kólik ielerin ásirese 010, 060, 070, 077, 707, 888 sekildi sandar men ZZZ, DDD, SSS, VVV, QQQ, III sekildi úsh birdei árpi bar nómirler kóbirek qyzyqtyrǵan.
