13 sáýirden 14-ne qaraǵan túni qalalyq politsiia bóliminiń 102 operatoryna túngi ýaqytta belgisiz azamatsha qyzynyń úide kilttenip, qalyp qoiǵany týraly qońyraý shalǵan, dep habarlaidy "Ult aqparat" Polisia.kz saityna silteme jasap.
Belgili bolǵandai, úi iesi azyq-túlik alýǵa shyǵyp ketip, keri kire almai qalǵan. Úiinde qalyp qoiǵan jeti jastaǵy qyzymen bailanysa almaǵan. Dál sol ýaqytta azamatsha kógildir otynǵa tamaq pisirip, ony qosýly qaldyrǵan.
Eshqandai amalym bolmaǵan soń aldymen Tótenshe jaǵdai qyzmetkerlerine habarlastym, biraq olar maǵan túngi ýaqytta balkon arqyly kire almaitynyn, ol úshin qosymsha quraldarynyń joq ekendikterin jetkizdi. Al meniń úiimniń esigin buzý múmkin emes edi. Sol sátte politsiia qyzmetkeri kelip oilanbastan, eshqandai qorǵaý quraldarynsyz tórtinshi qabattan úshinshi qabatqa túsip, dereý áreketke kóshti. Politsiia qyzmetkeri bolmasa ne bolaryn bilmeimin. Qyraǵy ári jedel qyzmeti úshin Atyraý qalalyq Politsiia bólimi kámeletke tolmaǵandar isteri jónindegi ýchaskelik politsiia inspektory Álibek Qaiyrǵalievke otbasymnyń atynan alǵys bildiremin, – dedi qutqarylǵan jasóspirimniń anasy.
