13 سەۋٸردەن 14-نە قاراعان تٷنٸ قالالىق پوليتسييا بٶلٸمٸنٸڭ 102 وپەراتورىنا تٷنگٸ ۋاقىتتا بەلگٸسٸز ازاماتشا قىزىنىڭ ٷيدە كٸلتتەنٸپ, قالىپ قويعانى تۋرالى قوڭىراۋ شالعان, دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
بەلگٸلٸ بولعانداي, ٷي يەسٸ ازىق-تٷلٸك الۋعا شىعىپ كەتٸپ, كەرٸ كٸرە الماي قالعان. ٷيٸندە قالىپ قويعان جەتٸ جاستاعى قىزىمەن بايلانىسا الماعان. دەل سول ۋاقىتتا ازاماتشا كٶگٸلدٸر وتىنعا تاماق پٸسٸرٸپ, ونى قوسۋلى قالدىرعان.
ەشقانداي امالىم بولماعان سوڭ الدىمەن تٶتەنشە جاعداي قىزمەتكەرلەرٸنە حابارلاستىم, بٸراق ولار ماعان تٷنگٸ ۋاقىتتا بالكون ارقىلى كٸرە المايتىنىن, ول ٷشٸن قوسىمشا قۇرالدارىنىڭ جوق ەكەندٸكتەرٸن جەتكٸزدٸ. ال مەنٸڭ ٷيٸمنٸڭ ەسٸگٸن بۇزۋ مٷمكٸن ەمەس ەدٸ. سول سەتتە پوليتسييا قىزمەتكەرٸ كەلٸپ ويلانباستان, ەشقانداي قورعاۋ قۇرالدارىنسىز تٶرتٸنشٸ قاباتتان ٷشٸنشٸ قاباتقا تٷسٸپ, دەرەۋ ەرەكەتكە كٶشتٸ. پوليتسييا قىزمەتكەرٸ بولماسا نە بولارىن بٸلمەيمٸن. قىراعى ەرٸ جەدەل قىزمەتٸ ٷشٸن اتىراۋ قالالىق پوليتسييا بٶلٸمٸ كەمەلەتكە تولماعاندار ٸستەرٸ جٶنٸندەگٸ ۋچاسكەلٸك پوليتسييا ينسپەكتورى ەلٸبەك قايىرعاليەۆكە وتباسىمنىڭ اتىنان العىس بٸلدٸرەمٸن, – دەدٸ قۇتقارىلعان جاسٶسپٸرٸمنٸڭ اناسى.
