Atyraýlyq palýan Erkebulan Qýanǵaliev jaýyngerlik sambodan álem chempionatynyń kúmis júldegeri atandy, dep habarlaidy "Ult aqparat".
Sambomen biraz jyldan beri ainalysatyn Erkebulan Qýanǵaliev Serbiia Respýblikasynyń Novi-Sad qalasynda jalaýyn kótergen álemdik dodada 52 keli salmaqta baq synady. Bul saiysqa álemniń 30 elinen 400-den astam palýan qatysýda.
Halyqaralyq dodada el namysyn qorǵaǵan atyraýlyq sportshy irikteý kezeńinde cheh palýanynan basymdyǵyn aiqyn tanytqan edi. Jartylai finaldy ispan sportshysyn qapy qaldyrdy. Alaida, altyn medalǵa qol sozym qalǵanda onyń jolyn Resei sportshysy kesti. Sóitip, atyraýlyq palýan Erkebulan Qýanǵaliev jaýyngerlik sambodan eresekter arasynda álem chempionatynyń kúmis júldesine ie boldy.
