Atyraýǵa qatynaityn keibir jolaýshylar poiyzdary ýaqytsha toqtatyldy, – dep habarlaidy «Jolaýshylar tasymaly» kompaniiasy.
Qazaqstan Respýblikasy memlekettik komissiiasynyń 2020 jylǵy 2 shildedegi sheshimine, QR Memlekettik bas sanitarlyq dárigeriniń 2020 jylǵy 3 shildedegi №44 qaýlysyna sáikes jáne QR Indýstriia jáne infraqurylymdyq damý ministrliginiń haty negizinde 2020 jyldyń 8 shildesinen bastap kúshi joiylǵanǵa deiin Atyraý stansasy boiynsha jolaýshylar poiyzdary men tikelei qatynaityn vagondardyń kelýi men jóneltilýi ýaqytsha toqtatylady», delingen habarlamada.
- № 41/42 «Atyraý-Almaty-1» Atyraýdan jóneltiletin 09/07-20, Almatydan-1 keletin/jóneltiletin 11/07-20, Atyraýǵa keletin 13/07-20;
- № 313/314 «Atyraý-Mańǵystaý» Atyraýdan jóneltiletin 08/07-20, Mańǵystaýdan keletin/jóneltiletin 09/07-20, Atyraý qalasynan jóneltiletin 10/07-20;
- № 692/691 «Aqtóbe-Atyraý» poiyzy Aqtóbe qalasynan jóneltiletin 07/07-20, Atyraýdan keletin/jóneltiletin 08/07-20, Aqtóbege keletin 09/07-20; - 05/07-20 bastap Almatydan jóneltiletin, 08/07-20 bastap Qulsaryǵa keletin/jóneltiletin, 11/07-20 bastap Almatyǵa keletin №77/78 «Almaty-2 – Mańǵystaý» jáne №313/314 «Atyraý-Mańǵystaý» jolaýshylar poiyzdarynyń quramynda tikelei qatynaityn «Almaty-2 - Qulsary» vagondary toqtatylady.
«Atalǵan poiyzdarǵa buryn jol júrý qujattaryn (biletterin) resimdegen jolaýshylar jol júrý qujattaryn qaitarýdy resimdei alady jáne aqshalai qarajat tolyq kólemde qaitarylady. Biletter úshin tólemderdi qaitarý biletti qaitarý tártibi men satyp alý tásiline bailanysty qolma-qol jáne qolma-qol aqshasyz esep aiyrysý arqyly júrgiziledi. Jolaýshylar poiyzdarynyń qozǵalys kestesi boiynsha barlyq anyqtamalyq aqparatty «105» nómiri boiynsha bilýge bolady», delingen habarlamada.
Ulttyq tasymaldaýshy jolaýshylardan qabyldanǵan sharalarǵa túsinistikpen qaraýdy jáne koronavirýstyq pandemiianyń taralýy kezeńinde sanitarlyq-epidemiologiialyq talaptardy saqtaýdy suraidy.
