Kairat Ýrazbaev. Foto:azh.kz
Burynǵy ákim Qairat Orazbaevqa laýazymdyq ókiletin asyra paidalaný boiynsha úkim shyǵaryldy, - dep habarlaidy Ult.kz Tengrinews.kz-ke silteme jasap.
Atyraýdyń burynǵy ákimimen birge sotta qalalyq jer qatynastary bóliminiń basshysy, ákim apparatynyń basshysy jáne qala qurylysy jáne sáýlet bóliminiń basshysy da laýazymdyq ókiletin asyra paidalaný jáne qyzmettik jalǵandyq jasady degen aiyp boiynsha aiyptalýshylar qatarynda boldy.
Sot protsesinde Orazbaev, qala ákimi bolǵan kezinde, jer qatynastary bóliminiń basshysy K.N. men qala qurylysy jáne sáýlet bóliminiń basshysy K.E.-ge rekreatsiialyq aimaqta ornalasqan 8 jer ýchaskesin berý týraly tapsyrma bergen. Aiyptalýshylar K.N. men K.E. ózara kelisip, rekreatsiialyq jáne sanitarlyq aimaqtarda ornalasqan 18 jer ýchaskesin bergen. Osy maqsatta K.N. jer komissiiasynyń hattamasyna 18 ótinish qaralǵany týraly jalǵan málimetter engizgen.
Nátijesinde sot barlyq aiyp boiynsha jetkilikti dálelder tappai, aiyptalýshylarǵa bostandyqty shekteý jazasy taǵaiyndaldy.
"Orazbaevqa, sondai-aq ákim apparatynyń basshysyna jáne qala qurylysy jáne sáýlet bóliminiń basshysyna qyzmettik jalǵandyq jasady degen aiyp boiynsha aiyptaý naqty kórsetilmegen, iaǵni qandai qujattarǵa (jer ýchaskesin tańdaý aktileri, jer komissiiasynyń hattamalary jáne t.b.) jalǵan málimetter nemese túzetýler engizilgeni anyqtalmaǵan. Aiyptalýshylardyń qujattarǵa jalǵan málimet engizgeni dáleldenbegen. Ákim apparatynyń basshysyna qatysty laýazymdyq ókiletin asyra paidalaný boiynsha aiyptaýǵa qajetti dálelder usynylmaǵan. Onyń ókiletine rekreatsiialyq jáne sanitarlyq aimaqtarda ornalasqan jer ýchaskelerin berý máselesi kirmegen. Qylmystyq qýdalaý organy múlikti jymqyrý boiynsha dáleldemeler usynbady. Birdei áreketter aiyptalýshylarǵa ártúrli baptar boiynsha laýazymdyq ókiletin teris paidalaný jáne alaiaqtyq retinde saralanǵan", – dep túsindirdi sýdia.
Barlyq jaǵdailardy eskere otyryp, Qairat Ýrazbaev pen burynǵy qala qurylysy jáne sáýlet bóliminiń basshysy laýazymdyq ókiletin asyra paidalaný boiynsha aiypty dep tanyldy. Orazbaevqa úsh jylǵa bostandyqty shekteý jazasy taǵaiyndaldy, memlekettik qyzmette jumys isteý quqyǵynan ómir boiyna airyldy.
Burynǵy qala qurylysy jáne sáýlet bóliminiń basshysy bes jylǵa bostandyqty shekteý jazasyna tartylyp, memlekettik qyzmette jumys isteý quqyǵynan ómir boiyna aiyryldy.
Burynǵy jer qatynastary bóliminiń basshysy laýazymdyq ókilettikterin asyra paidalaný jáne qyzmettik jalǵandyq jasaý boiynsha alty jylǵa bostandyqty shekteý jazasyna kesildi.
Ákim apparatynyń basshysy qylmystyq quqyq buzýshylyq quramynyń bolmaýyna bailanysty aqtaldy.
