Atyraýdan Maqtaaraldaǵy sý tasqynynan zardap shekkenderge gýmanitarlyq kómek jiberildi, dep habarlaidy "Ult aqparat".
Óńirlik kommýnikatsiialar qyzmetiniń habarlaýynsha, Atyraýdan 150 tonna azyq-túlik, kiim-keshek tielgen gýmanitarlyq kómekti jetkizý úshin 6 júk kóligi, 20 «Gazel» men 2 jeńil kólikten quralǵan kerýen jolǵa shyqty.
«Eki táýlik shamasynda atyraýlyq aǵaiynnyń amanatyn Maqtaaralǵa jetkizemiz. Sonymen qatar, Atyraý qalasy halqynan bólek, munaily óńirge qarasty 7 aýdannyń jastary jinaǵan 15 million teńge Maqtaral aýdanynyń halqyna beriledi. Talai qiyndyqty halqymyz birliktiń arqasynda jeńgen. Bul synaqty da birge ótkeremiz. Biz birgemiz», - deidi uiymdastyrýshylar.
Keshe Atyraý oblysy ákimdiginiń qoldaýymen Maqtaaralǵa kómek kórsetý maqsatynda arnaiy qorǵa qarjy jinaý bastaldy. Gýmanitarlyq kómek kórsetý Atyraý oblysy ákimdigi tarapynan da jalǵasýda.
