Atyraý oblysyndaǵy Teńiz kenishinde «sary» tútin býdaqtady, dep habarlaidy "Ult aqparat".
Bul týraly áleýmettik jelilerde video tarady. Onda ken ornyndaǵy keshendi tehnologiialyq qondyrǵylardyń birinen «sary» tútin býdaqtap jatqany túsirilgen.
Jergilikti «Aqjaiyq» basylymynyń habarlaýynsha, «Teńizshevroil» JShS bul oqiǵany rastaǵan. Keshe, 19 sáýirde keshendi tehnologiialyq qondyrǵylardyń birinde qysymnyń joǵarylaýynan artyq gaz tútin murjasynan shyqqan.
Óndiris ornyndaǵy jedel emes personal qaýipsizdik tehnikasyna sáikes evakýatsiialanǵan. Keiin jaǵdai turaqtalyp, qyzmetkerler jumysyna oralǵan.
Qazir oqiǵanyń neden bolǵany anyqtalyp jatyr.
