Atyraýda qaiyn jurtynyń tórt múshesin óltirgeni úshin ómir boiyna sottalǵan Sultan Sársemálievtiń burynǵy áieli Aqbaian Muqanǵalieva balalarymen qaýyshty. Bul týraly jýrnalist Janat Moldasheva áleýmettik jelidegi paraqshasynda jazdy, dep habarlaidy ult.kz.
Jýrnalistiń málimetinshe, Aqbaiannyń qazirgi jaǵdaiyn onyń týystary baqylap otyr. Jaqyndary Aqbaiannyń úige shyqqanyn aitqan. Alaida buǵan deiin týystary bul aqparatty ázirge jariialamaýdy suraǵan.
«Iá, Aqbaiandy baýyrlary balalaryna alyp barǵan. Óitkeni, “Balalarym qaida? Saǵyndym” dep jii suraǵan. Bárin de tanyp tur deidi», – dep jazdy Janat Moldasheva.
Degenmen Aqbaiannyń áli de em qabyldaýy qajet. Onyń naqty diagnozy ázirge belgisiz. Eger densaýlyǵy jaqsaryp, jaǵdaiy turaqtalsa, balalaryn óz qaraýyna berý máselesi qaralýy múmkin. Bul sheshimdi bilim bólimi janynan qurylǵan arnaiy komissiia qabyldaidy.
Jýrnalistiń aitýynsha, Aqbaianǵa ata-anasy men baýyrlarynyń qaitys bolǵany áli aitylmaǵan.
«Týystary Aqbaianǵa ata-anasy men baýyrlarynyń joqtyǵyn áli aitpaǵan. Eń aýyry osy», – dep jazdy ol.
Aita keteiik, Atyraý oblysynda Sultan Sársemáliev tórt adamnyń ólimine qatysty is boiynsha ómir boiyna bas bostandyǵynan aiyryldy. Sot úkimi 2026 jylǵy 14 shildede shyqqan.
Aqbaian Muqanǵalievaǵa qatysty qylmystyq is keiin toqtatylǵany habarlanǵan.
