Sábi ólimi tirkelgen Atyraý oblystyq perinataldy ortalyqta ishki aýrýhanalyq infektsiia anyqtalǵan. Bul týraly QR DSM Taýarlar men qyzmetter qaýipsizdigi jáne sapasyn baqylaý komitetiniń tóraiymy Liýdmila Biýrabekova aityp berdi, dep habarlaidy "Ult aqparat".
«Densaýlyq saqtaý vitse-ministri Lázzat Aqtaevanyń tóraǵalyǵymen 26 adamnan turatyn komissiia 5 qazan kúni jumysqa kirisip, jumystaryn 18 qazanda aiaqtady. Iaǵni, komissiia jalpy aimaqtaǵy balalar ólimine ne sebep bolǵanyn anyqtaý úshin taldaý jumystaryn júrgizdi. Dál osy Atyraý oblystyq perinataldy ortalyqta tamyz-qyrkúiek ailarynda bala óliminiń nelikten kóbeiip ketkenin zerttedik», - dedi Liýdmila Biýrabekova Parlament Senatyndaǵy Úkimettik saǵattan keiin tilshilerdiń suraǵyna jaýap bere otyryp.
Komitet basshysynyń aitýynsha, Atyraýdaǵy sábi ólimi tirkelgen oblystyq perinataldy ortalyqtan ishki aýrýhanalyq infektsiianyń bary anyqtalǵan.
«Ol – bakterialdy ishki aýrýhanalyq infektsiia. Qazirgi qoldanystaǵy zań boiynsha ol aýrýhanada komissiia-infektsiialyq baqylaý bolýy kerek bolatyn. Alaida ol ortalyqta ol komissiia sóz júzinde ǵana jumys istegen», - dedi ol.
