سەبي ٶلٸمٸ تٸركەلگەن اتىراۋ وبلىستىق پەريناتالدى ورتالىقتا ٸشكٸ اۋرۋحانالىق ينفەكتسييا انىقتالعان. بۇل تۋرالى قر دسم تاۋارلار مەن قىزمەتتەر قاۋٸپسٸزدٸگٸ جەنە ساپاسىن باقىلاۋ كوميتەتٸنٸڭ تٶرايىمى ليۋدميلا بيۋرابەكوۆا ايتىپ بەردٸ, دەپ حابارلايدى "ۇلت اقپارات".
«دەنساۋلىق ساقتاۋ ۆيتسە-مينيسترٸ لەززات اقتاەۆانىڭ تٶراعالىعىمەن 26 ادامنان تۇراتىن كوميسسييا 5 قازان كٷنٸ جۇمىسقا كٸرٸسٸپ, جۇمىستارىن 18 قازاندا اياقتادى. ياعني, كوميسسييا جالپى ايماقتاعى بالالار ٶلٸمٸنە نە سەبەپ بولعانىن انىقتاۋ ٷشٸن تالداۋ جۇمىستارىن جٷرگٸزدٸ. دەل وسى اتىراۋ وبلىستىق پەريناتالدى ورتالىقتا تامىز-قىركٷيەك ايلارىندا بالا ٶلٸمٸنٸڭ نەلٸكتەن كٶبەيٸپ كەتكەنٸن زەرتتەدٸك», - دەدٸ ليۋدميلا بيۋرابەكوۆا پارلامەنت سەناتىنداعى ٷكٸمەتتٸك ساعاتتان كەيٸن تٸلشٸلەردٸڭ سۇراعىنا جاۋاپ بەرە وتىرىپ.
كوميتەت باسشىسىنىڭ ايتۋىنشا, اتىراۋداعى سەبي ٶلٸمٸ تٸركەلگەن وبلىستىق پەريناتالدى ورتالىقتان ٸشكٸ اۋرۋحانالىق ينفەكتسييانىڭ بارى انىقتالعان.
«ول – باكتەريالدى ٸشكٸ اۋرۋحانالىق ينفەكتسييا. قازٸرگٸ قولدانىستاعى زاڭ بويىنشا ول اۋرۋحانادا كوميسسييا-ينفەكتسييالىق باقىلاۋ بولۋى كەرەك بولاتىن. الايدا ول ورتالىقتا ول كوميسسييا سٶز جٷزٸندە عانا جۇمىس ٸستەگەن», - دەدٸ ول.
