Atyraýda 200 patsientke arnalǵan modýldi infektsiialyq aýrýhana virýs juqtyrǵan naýqasqa toldy. Búgin №2 oblystyq aýrýhananyń infektsiialyq statsionary koronavirýsqa shaldyqqan naýqastardy qabyldaýdy qaita jalǵastyrdy, dep habarlaidy "Ult aqparat" Atyraý oblysy Densaýlyq saqtaý basqarmasynyń baspasóz qyzmetine silteme jasap.
«8 sáýirde tańerteń 200 orynǵa eseptelgen modýldi infektsiialyq aýrýhanada 190 naýqas jatty. Túske qarai tolyǵymen patsientke toly boldy. Búgingi kúnde onda 17 adam reanimatsiia bólimshesinde jatyr, olardyń altaýy ÓJJ (IVL) apparatyna qosylǵan. Olardyń jaǵdaiy óte aýyr. Qalǵan naýqastardyń jaǵdaiy ortasha aýyr»,- dep habarlady oblystyń densaýlyq saqtaý basqarmasynyń baspasóz qyzmeti.
№2 oblystyq aýrýhananyń bas dárigeri Maǵjan Seiitjanovtyń aitýynsha, infektsiialyq statsionarǵa 11 patsient jatqyzylǵan. Aýrýhana 180 orynǵa eseptelgen, onyń 120-sy koronavirýs infektsiiasyna shaldyqqan naýqastarǵa daiyndalǵan.
«Qalǵan 60 oryn túrli juqpaly aýrýlar juqtyrǵan naýqastarǵa arnalǵan. Jaqyn arada aýrýhana tolyǵymen koronavirýsqa shaldyqqandarǵa infektsiialyq statsionar rejiminde jumys isteýi úshin biz osy patsientterdi basqa meditsitsnalyq mekemelerge aýystyrýdy josparlap otyrmyz», - dedi Maǵjan Seiitjanov.
