اتىراۋدا 200 پاتسيەنتكە ارنالعان مودۋلدٸ ينفەكتسييالىق اۋرۋحانا ۆيرۋس جۇقتىرعان ناۋقاسقا تولدى. بٷگٸن №2 وبلىستىق اۋرۋحانانىڭ ينفەكتسييالىق ستاتسيونارى كوروناۆيرۋسقا شالدىققان ناۋقاستاردى قابىلداۋدى قايتا جالعاستىردى, دەپ حابارلايدى "ۇلت اقپارات" اتىراۋ وبلىسى دەنساۋلىق ساقتاۋ باسقارماسىنىڭ باسپاسٶز قىزمەتٸنە سٸلتەمە جاساپ.
«8 سەۋٸردە تاڭەرتەڭ 200 ورىنعا ەسەپتەلگەن مودۋلدٸ ينفەكتسييالىق اۋرۋحانادا 190 ناۋقاس جاتتى. تٷسكە قاراي تولىعىمەن پاتسيەنتكە تولى بولدى. بٷگٸنگٸ كٷندە وندا 17 ادام رەانيماتسييا بٶلٸمشەسٸندە جاتىر, ولاردىڭ التاۋى ٶجج (يۆل) اپپاراتىنا قوسىلعان. ولاردىڭ جاعدايى ٶتە اۋىر. قالعان ناۋقاستاردىڭ جاعدايى ورتاشا اۋىر»,- دەپ حابارلادى وبلىستىڭ دەنساۋلىق ساقتاۋ باسقارماسىنىڭ باسپاسٶز قىزمەتٸ.
№2 وبلىستىق اۋرۋحانانىڭ باس دەرٸگەرٸ ماعجان سەيٸتجانوۆتىڭ ايتۋىنشا, ينفەكتسييالىق ستاتسيونارعا 11 پاتسيەنت جاتقىزىلعان. اۋرۋحانا 180 ورىنعا ەسەپتەلگەن, ونىڭ 120-سى كوروناۆيرۋس ينفەكتسيياسىنا شالدىققان ناۋقاستارعا دايىندالعان.
«قالعان 60 ورىن تٷرلٸ جۇقپالى اۋرۋلار جۇقتىرعان ناۋقاستارعا ارنالعان. جاقىن ارادا اۋرۋحانا تولىعىمەن كوروناۆيرۋسقا شالدىققاندارعا ينفەكتسييالىق ستاتسيونار رەجيمٸندە جۇمىس ٸستەۋٸ ٷشٸن بٸز وسى پاتسيەنتتەردٸ باسقا مەديتسيتسنالىق مەكەمەلەرگە اۋىستىرۋدى جوسپارلاپ وتىرمىز», - دەدٸ ماعجان سەيٸتجانوۆ.
