Atyraý qalasynyń 4 baǵytyna qoiylǵan blokposttarda tájiribeli áskeriler kezekshilik atqarýǵa kiristi, - dep habarlaidy «Batys» óńirlik qolbasshylyǵy basqarmasy baspasóz qyzmeti.
Atyraýdaǵy 4 blokpostta 60-qa jýyq áskeri qyzmetshi eki aýysymmen kezekshilikti atqarýǵa kirisken. Áskeriler kezekshilikti politsiia qyzmetkerlerimen birge atqarady. Olardyń blokposttardaǵy qyzmetin kúsheitý maqsatynda 4 «Arlan» brondyq tehnikasy bólingen.
«Shekteý beketterine tájiribeli áskeri qyzmetkerler tartyldy. Olar qazirgi qalyptasqan jaǵdaidy jáne aimaqqa qandai qaýip tónip turǵanyn jaqsy túsinedi. Áskeri qyzmetshiler túrli qyzmettik jaǵdailarda durys sheshim qabyldap, halyq igiligine qyzmet etýge ázir» - dedi «Batys» óńirlik qolbasshylyǵy áskerleriniń qolbasshysy Nurlan Aldiiarov.
Buǵan deiin «Batys» óńirlik qolbasshylyǵynan nysandardy dezinfektsiialaýǵa, qalany patrýldeýmen birge, blokposttardy kúsheitý úshin tiisti daiyndyǵy bar kelisimsharttaǵy áskeri qyzmetshiler tartylǵan bolatyn.
