Atyraý oblysynda koronavirýs infektsiiasy anyqtalǵan 22 naýqastyń qaýipti indetti qaidai juqtyrǵany belgili boldy, dep habarlaidy "Ult aqparat".
Óńirlik kommýnikatsiialar qyzmetiniń habarlaýynsha, qazir Atyraýda 22 adamnan koronavirýs infektsiiasy anyqtalǵan. Onyń 4-eýi indetti shetelden juqtyryp kelgen. Al, 7-eýi kórshi oblystardan juqtyryp alǵan. Sondai-aq, jergilikti 11 turǵyn Atyraýda atalǵan infektsiiaǵa dýshar bolyp otyr.
«Dárigerlerdiń aitýynsha, 7 naýqastyń jaǵdaiy turaqty, 8-iniń ahýaly – qanaǵattanarlyq, 5-eýiniń jaǵdaiy ortasha dárejedegi aýyr bolsa, 2 patsientte pnevmoniia bar. Olardyń dene qyzýy joq. Naýqastardyń eshqaisysyn IVL apparatyna qosý qajettigi týyndamady» dep habarlady Ortalyq kommýnikatsiialar qyzmetiniń óńirlik filialy.
