Atyraýda jańa týǵan nárestesin qoqys jáshigine tastaǵan áiel sottaldy, dep habarlaidy QazAqparat.
Biylǵy qańtarda Atyraý oblysynda kópbalaly áiel jańa týǵan nárestesin qoqys jáshigine tastaǵanyn jazǵan edik.
Keiinnen belgili bolǵandai, jantúrshigerlik oqiǵa Qyzylqoǵa aýdanyndaǵy Saǵyz aýylynda bolǵan.
Burynnan 4 balasy bar áiel júktiligine bailanysty dárigerlik esepke turmaǵan.
Júkti áiel aýdandyq jedel járdem stansasyna qan ketip, jaǵdai qiyndaǵan soń ǵana habar bergen.
Meditsina qyzmetkerleri alǵashqy kómek kórsetý kezinde 35 jastaǵy kelinshektiń bosanǵanyn anyqtaǵan.
Alaida, áiel bastapqyda bosanǵanyn moiyndamai, túsikten keiingi qan ketý dep jaltarǵan.
Osy derekke bailanysty QR Qylmystyq kodeksiniń 100-babymen (Jańa týǵan balany anasynyń óltirýi) is qozǵaldy.
«Sot sheshim shyǵarý kezinde kúieýimen ajyrasqannan keiin áieldiń kámeletke tolmaǵan 4 balasy qalǵanyn eskerdi. Sottalýshy bir jarym jylǵa bas bostandyǵynan aiyryldy» -dep habarlady oblystyq sottyń baspasóz qyzmeti.
