Oblystyq densaýlyq saqtaý basqarmasy basshysynyń orynbasary Qaisar Abdalievtyń aitýynsha, qalalyq emhananyń birinde zańsyz jolmen vaktsina pasportyn jasaǵan medbikeniń isi áshkerelengen.
«Qazir óńirde jalǵan vaktsina pasportyn jasaýǵa jol bermeý úshin barlyq ekpe beketinde beinebaqylaý kameralary ornatyldy. Meditsina qyzmetkerleri túsindirý jumystary júrgizdi. Soǵan qaramastan, oblys ákimdigi jáne ishki ister departamentimen birlesip júrgizilgen reidtik is-shara kezinde medbikeniń jalǵan vaktsina pasportyn jasaǵany anyqtaldy. Bul – jemqorlyq qana emes, halyqtyń densaýlyǵyna qaýip tóndirgen áreket» - deidi Qaisar Abdaliev.
Qazir kishi býyn meditsina qyzmetkerine qatysty qylmystyq is qozǵalyp, tergeý júrgizilip jatyr.
Eske sala ketelik, budan buryn Atyraý oblysynda 140 myńnan astam adam vaktsina saldyrǵan bolatyn.
