Foto: Azh.kz
Atyraýda úsh adamdy atyp óltirip, bireýin jaraqattaǵan kúdikti ustalyp, qamaýǵa alyndy, dep habarlaidy "Ult aqparat".
Oblystyq politsiia departamenti baspasóz qyzmetiniń málimetinshe, atys 15 naýryz saǵat 22:10 shamasynda bolǵan. Atyraý qalasynyń «Avangard-3» shaǵyn aýdanyndaǵy aialdama mańynda tapanshadan atylǵan oqtan 27 jáne 23 jastaǵy eki jigit qaza tapqan. Al, 1995 jylǵy azamat aýrýhanaǵa jetkizilgen.
Kúdikti oqiǵa ornynan qashyp ketken. Jedel-tergeý toby atys bolǵan jerde tergeý júrgizý kezinde taǵy bir adamnyń múrdesin tapqan. Tekserý kezinde onyń 27 jastaǵy er adam ekeni anyqtaldy.
«Politsiia qyzmetkerleri atalǵan qylmysqa kúdikti retinde Mańǵystaý oblysynyń 1993 jylǵy týmasyn ustady. Atysqa azamattardyń arasynda týyndaǵan ózara kelispeýshilik sebep bolǵan. Qazir kúdikti ýaqytsha ustaý izoliatoryna qamaýǵa alyndy. Kúdiktige qatysty QR Qylmystyq kodeksiniń 99-babynyń 2-bóligimen tergeý amaldary júrgizilip jatyr», - dep habarlady departamenttiń baspasóz qyzmeti.
Ózge aqparat QR Qylmystyq-protsestik kodeksiniń 201-babyna sáikes jariialaýǵa jatpaidy.
