Atyraýda tótenshe jaǵdaiǵa bailanysty temirjol vokzalyna kirýge qatań shekteý qoiyldy, dep habarlaidy "Ult aqparat Óńirlik kommýnikatsiialar qyzmetine silteme jasap.
Endi temirjol vokzalyna tek bileti bar jolaýshylar kirgiziledi. Atyraýǵa ózge baǵyttan kelgen jolaýshylar vokzal ǵimaraty arqyly shyǵady.
Budan bólek, «Nur-Sultan-Atyraý», «Almaty-Atyraý» baǵytyna qatynaýǵa shekteý qoiyldy.
Málim bolǵandai, Nur-Sultan baǵytyndaǵy Býrabai kýrorty stantsiiasy men Shý stantsiiasynan Atyraýǵa qatynaityn reis toqtatylmaidy. Shekteý qoiylmaǵan reis qatarynda «Atyraý-Mańǵystaý», «Atyraý-Aqtóbe» baǵyty da bar.
«Qazir temirjol vokzalynda ár úsh saǵat saiyn dezinfektsiia jasalýda. Sonymen qatar, endi poiyzdardyń barlyǵy birinshi joldan júredi. Bul jolaýshylardyń qaýipsizdigi úshin uiymdastyrylyp otyr», - dedi Atyraý magistraldyq jeli bólimshesiniń direktory Elýbai Saparov.
Onyń aitýynsha, Nur-Sultan, Almaty qalalaryna qatynaityn poiyzdarǵa alynǵan biletterdi tapsyrý kezinde temirjol vokzalynda halyq kóp shoǵyrlanǵan. Olardyń barlyǵyna aqshalary tolyq qaitarylǵan.
Qazir bilet tapsyratyn adamdar azaiǵan.
