Atyraýda naýbaihanada zańsyz jumys istegen sheteldikter anyqtaldy, dep habarlaidy QazAqparat.
Oblystyq politsiia departamenti baspasóz qyzmetinen málim etkendei, bul derek «Ýchaske» jedel profilaktikalyq is-sharasy kezinde tirkelgen.
«Ýchaskelik politsiia qyzmetkerleri oblys ortalyǵyndaǵy Atyraý shaǵyn aýdanynda ornalasqan naýbaihanada jumys istep júrgen Ózbekstan Respýblikasynyń 6 azamatyn anyqtady. Tekserý barysynda 3 ózbek azamatynyń jeke basyn rastaityn qujaty joq ekeni belgili boldy» - dep habarlady departamenttiń baspasóz qyzmeti.
Qazir Ózbekstan Respýblikasynyń azamattary Atyraý qalalyq politsiia basqarmasynyń qabyldap-taratý ortalyǵyna ornalastyryldy. Olarǵa qatysty jinaqtalǵan is-qujattar kóshi-qon qyzmeti bólimi men Atyraý qalalyq sanitariialyq-epidemiologiialyq basqarmasyna joldandy.
