اتىراۋدا ناۋبايحانادا زاڭسىز جۇمىس ٸستەگەن شەتەلدٸكتەر انىقتالدى, دەپ حابارلايدى قازاقپارات.
وبلىستىق پوليتسييا دەپارتامەنتٸ باسپاسٶز قىزمەتٸنەن مەلٸم ەتكەندەي, بۇل دەرەك «ۋچاسكە» جەدەل پروفيلاكتيكالىق ٸس-شاراسى كەزٸندە تٸركەلگەن.
«ۋچاسكەلٸك پوليتسييا قىزمەتكەرلەرٸ وبلىس ورتالىعىنداعى اتىراۋ شاعىن اۋدانىندا ورنالاسقان ناۋبايحانادا جۇمىس ٸستەپ جٷرگەن ٶزبەكستان رەسپۋبليكاسىنىڭ 6 ازاماتىن انىقتادى. تەكسەرۋ بارىسىندا 3 ٶزبەك ازاماتىنىڭ جەكە باسىن راستايتىن قۇجاتى جوق ەكەنٸ بەلگٸلٸ بولدى» - دەپ حابارلادى دەپارتامەنتتٸڭ باسپاسٶز قىزمەتٸ.
قازٸر ٶزبەكستان رەسپۋبليكاسىنىڭ ازاماتتارى اتىراۋ قالالىق پوليتسييا باسقارماسىنىڭ قابىلداپ-تاراتۋ ورتالىعىنا ورنالاستىرىلدى. ولارعا قاتىستى جيناقتالعان ٸس-قۇجاتتار كٶشٸ-قون قىزمەتٸ بٶلٸمٸ مەن اتىراۋ قالالىق سانيتارييالىق-ەپيدەميولوگييالىق باسقارماسىنا جولداندى.
