Foto: ya62.ru
Atyraý qalasynda shetel azamaty turǵyn úidiń 9-qabatynan sekirip ketken. Onyń mundai áreketke barý sebebi ázirge belgisiz, dep habarlaidy Kazinform agenttigi.
Oblystyq politsiia departamentiniń baspasóz qyzmetinen málim etkendei, oqiǵa keshe, 10 qańtarda bolǵan.
«Atyraý qalasynyń «Nursaia» shaǵyn aýdanyndaǵy turǵyn úi keshenderiniń birinde keshki 19:26 shamasynda er adamnyń 9-qabattan sekirip ketkeni týraly habar tústi. Ol oqiǵa ornynda kóz jumdy. Oqiǵa ornyna jetken qalalyq politsiia basqarmasynyń qyzmetkerleri sýitsid jasaǵan Ózbekstan Respýblikasynyń azamaty ekenin anyqtady. Marqum 1964 jyly týǵan», - dep habarlady departamenttiń baspasóz qyzmeti.
Qazir derekke qatysty QR Qylmystyq kodeksiniń 105-babynyń 1-bóligimen qylmystyq is tirkeldi. Osyǵan bailanysty tiisti is qujattary jinaqtalyp jatyr.
Politsiia qyzmetkerleri sheteldiktiń turǵyn úidiń joǵarǵy qabatynan sekirýine ne sebep bolǵanyn naqtylaǵan joq.
