Foto: áleýmettik jeliden
Atyraýda tserebraldy sal aýrýyna shaldyqqan qyzdy zorlamaq bolǵan pedofilge úkim shyǵaryldy, - dep habarlaidy "Ult aqparat" AtyrauPress portalyna silteme jasap.
Esterińizge sala keteiik, 2022 jyldyń jeltoqsanynda «Avangard» shaǵynaýdanynda kólik urlap, 13 jasar qyzdy zorlamaq bolǵan er adam ustaldy.
Anasy qyzyn kólikte qaldyryp, ózi birneshe minýtqa dúkenge kirip ketken. Al dúkennen shyqqan kezde kólik ornynda bolmaǵan. Atyraý qalasynyń patrýldik politsiia batalony qyzmetkerleriniń jedel áreket etýi nátijesinde 34 jastaǵy er adam qylmys jasamaq bolǵan kezde ustaldy. Keiinirek múmkindigi shekteýli qyz tserebraldy sal aýrýymen aýyratyny belgili boldy.
Oblystyq sottyń baspasóz qyzmetinen habarlaǵandai, Atyraý oblysynyń qylmystyq ister jónindegi mamandandyrylǵan aýdanaralyq soty bul oqiǵaǵa 2023 jyldyń maýsym aiynda núkte qoiǵan. Is jabyq sot otyrysynda qaralǵandyqtan, istiń mán-jaiy kúshine enbegen.
Sottalýshynyń kinási kámeletke tolmaǵan jábirlenýshiniń jáne onyń zańdy ókiliniń, kýágerlerdiń aiǵaqtarymen, oqiǵa bolǵan jerdi tekserý hattamasymen, saraptama qorytyndylarymen tolyq dáleldengen. Ol qylmystyq kodekstiń eki baby boiynsha kináli dep tanyldy: qyzdy zorlaý áreketi jáne kólikti urlap, aitarlyqtai shyǵyn keltirý.
«Sot úkimimen er adam eki bap boiynsha da kináli dep tanyldy. Sottalýshy ózi kinásin moiyndady. Oǵan 17 jylǵa bas bostandyǵynan aiyrý jazasy taǵaiyndaldy. Sot úkimi zańdy kúshine endi», - dep málim etti oblystyq sottyń baspasóz qyzmetindegiler.
