Atyraýda perinataldyq ortalyqtyń 28 dárigeriniń jumystan shyǵý týraly ótinishine qol qoiyldy, dep habarlaidy "Ult aqparat".
«Óz erkimen jumystan bosý týraly barlyǵy 31 dáriger ótinish bildirgen edi. Úsh dáriger óz ótinishin qaitaryp aldy. 28 adamdy jumystan bosatý týraly buiryqqa qol qoiyldy. Biraq, olar 7 qarashaǵa deiin jumys isteitin bolady», - dep habarlaidy oblystyq densaýlyq saqtaý basqarmasy basshysynyń mindetin atqarýshy Gúlnafis Tanbaeva.
Onyń aitýynsha, dárigerlerdiń jumystan shyǵýy perinataldyq ortalyqtyń jumysyna keri áser etpeýi tiis.
«Bizdiń oblystyń ginekologiia qyzmetine kómek kórsetý týraly basqa óńirlerdegi áriptesterimizben kelisim jasalǵan. Qalada qazir mamandar jumys istep jatyr. Taǵy da dárigerler toby kelýi múmkin. Basqa da sharalar qoldanylyp jatyr», - dedi Gúlnafis Tanbaeva.
Eske salaiyq, Atyraý oblystyq perinataldyq ortalyǵynyń qyzmetkerleri, atap aitqanda bas dáriger men akýsher jańa týǵan sábidi ádeii qutqarmady degen kúdikke ilindi. Olar óz erkimen jumystan bosatý týraly ótinish jazyp, keiin Prezidentke hat joldady.
