Atyraýda ózin ańdyp, sońynan qalmaǵan áriptesimen janjaldasqan politsiia qyzmetkeri kináli dep tanyldy, dep habarlaidy ult.kz.
Bul týraly HALYQSTAN arnasy jazdy.
Arnanyń málimetinshe, 23 jastaǵy Symbat Tańatarovanyń oqiǵasy jelide bir jylǵa jýyq talqylanǵan. Qorǵaýshylar muny Qazaqstandaǵy eń atyshýly stalking jaǵdaiy dep atap, qyzdy áriptesi Qanat Ershan ailap ańdyǵanyn alǵa tartqan. Alaida sot sheshimi kútpegen jerden basqasha shyǵyp, Symbattyń ózi kináli dep tabyldy. Olar stýdent kezinde tanysyp, keiin ekeýi de politsiiaǵa jumysqa turǵan. Qyzdyń aitýynsha, eki jaqqa ketkennen keiin jigit buǵan kónbei, kezdesýdi talap etken. Qyzǵanǵan, túrli habarlamalar jazyp, eger aralasýdy toqtatsa, óz-ózine qol jumsaitynyn aitqan.
Oqiǵa 15 sáýirde bolǵan. Ershan Atyraýǵa ushyp kelip, kúndizgi kezdesýleri uryspen aiaqtalǵan. Keshke ol qyzdyń úiine qaita baryp, dalaǵa shyǵýyn talap etip, ishinde kishkentai balasy bar úidiń terezesin qaqqan. Kórshisinen kómek suraǵanmen, ol aralasýdan bas tartqan. Qoryqqan Symbat óziniń kóligine otyryp, ishinen qulyptap alǵan. Jigit esikti julqylap, kólik qozǵala bastaǵanda kapotqa sekirip mingen. Qyz kólikti toqtatpai birneshe oram júrip ótken kezde, burylysta jigit asfaltqa qulaǵan.
Saldarynan ol aýyr jaraqat alyp, bas súiegi, buǵanasy men qabyrǵasy synyp, komaǵa túsken. Jigit aýrýhanada biraz ýaqyttan keiin ǵana esin jiǵan.
Qorǵaýshy tarap qyzdyń tek qaýipti úiden aýlaq áketpek bolǵanyn jáne jigittiń áreketine quqyqtyq baǵa berilmegenin aitty. Biraq sot basqasha sheshim shyǵardy.
Sot úkiminde Tańatarova kóliktiń kapotynda er adamnyń turǵanyn kóre tura, aýyr zardaptardyń aldyn alýǵa bolady dep úmittenip, qozǵalysty jalǵastyrǵany jaily aitylǵan.
Nátijesinde ol Qylmystyq kodekstiń 114-babynyń 3-bóligi boiynsha kináli dep tanylyp, 6 aiǵa bas bostandyǵynan shekteldi. Degenmen Konstitýtsiianyń 30 jyldyǵyna orai jariialanǵan raqymshylyqqa ilinip, jazadan bosatyldy. Sondai-aq sot odan Qanat Ershannyń paidasyna moraldyq shyǵyn retinde 1 mln teńge óndirdi. Al Ershannyń birneshe ai boiy qyzdy ańdý áreketine sot sheshiminde eshqandai baǵa berilgen joq.
