اتىراۋدا ٶزٸن اڭدىپ, سوڭىنان قالماعان ەرٸپتەسٸمەن جانجالداسقان پوليتسييا قىزمەتكەرٸ كٸنەلٸ دەپ تانىلدى, دەپ حابارلايدى ult.kz.
بۇل تۋرالى HALYQSTAN ارناسى جازدى.
ارنانىڭ مەلٸمەتٸنشە, 23 جاستاعى سىمبات تاڭاتاروۆانىڭ وقيعاسى جەلٸدە بٸر جىلعا جۋىق تالقىلانعان. قورعاۋشىلار مۇنى قازاقستانداعى ەڭ اتىشۋلى ستالكينگ جاعدايى دەپ اتاپ, قىزدى ەرٸپتەسٸ قانات ەرشان ايلاپ اڭدىعانىن العا تارتقان. الايدا سوت شەشٸمٸ كٷتپەگەن جەردەن باسقاشا شىعىپ, سىمباتتىڭ ٶزٸ كٸنەلٸ دەپ تابىلدى. ولار ستۋدەنت كەزٸندە تانىسىپ, كەيٸن ەكەۋٸ دە پوليتسيياعا جۇمىسقا تۇرعان. قىزدىڭ ايتۋىنشا, ەكٸ جاققا كەتكەننەن كەيٸن جٸگٸت بۇعان كٶنبەي, كەزدەسۋدٸ تالاپ ەتكەن. قىزعانعان, تٷرلٸ حابارلامالار جازىپ, ەگەر ارالاسۋدى توقتاتسا, ٶز-ٶزٸنە قول جۇمسايتىنىن ايتقان.
وقيعا 15 سەۋٸردە بولعان. ەرشان اتىراۋعا ۇشىپ كەلٸپ, كٷندٸزگٸ كەزدەسۋلەرٸ ۇرىسپەن اياقتالعان. كەشكە ول قىزدىڭ ٷيٸنە قايتا بارىپ, دالاعا شىعۋىن تالاپ ەتٸپ, ٸشٸندە كٸشكەنتاي بالاسى بار ٷيدٸڭ تەرەزەسٸن قاققان. كٶرشٸسٸنەن كٶمەك سۇراعانمەن, ول ارالاسۋدان باس تارتقان. قورىققان سىمبات ٶزٸنٸڭ كٶلٸگٸنە وتىرىپ, ٸشٸنەن قۇلىپتاپ العان. جٸگٸت ەسٸكتٸ جۇلقىلاپ, كٶلٸك قوزعالا باستاعاندا كاپوتقا سەكٸرٸپ مٸنگەن. قىز كٶلٸكتٸ توقتاتپاي بٸرنەشە ورام جٷرٸپ ٶتكەن كەزدە, بۇرىلىستا جٸگٸت اسفالتقا قۇلاعان.
سالدارىنان ول اۋىر جاراقات الىپ, باس سٷيەگٸ, بۇعاناسى مەن قابىرعاسى سىنىپ, كوماعا تٷسكەن. جٸگٸت اۋرۋحانادا بٸراز ۋاقىتتان كەيٸن عانا ەسٸن جيعان.
قورعاۋشى تاراپ قىزدىڭ تەك قاۋٸپتٸ ٷيدەن اۋلاق ەكەتپەك بولعانىن جەنە جٸگٸتتٸڭ ەرەكەتٸنە قۇقىقتىق باعا بەرٸلمەگەنٸن ايتتى. بٸراق سوت باسقاشا شەشٸم شىعاردى.
سوت ٷكٸمٸندە تاڭاتاروۆا كٶلٸكتٸڭ كاپوتىندا ەر ادامنىڭ تۇرعانىن كٶرە تۇرا, اۋىر زارداپتاردىڭ الدىن الۋعا بولادى دەپ ٷمٸتتەنٸپ, قوزعالىستى جالعاستىرعانى جايلى ايتىلعان.
نەتيجەسٸندە ول قىلمىستىق كودەكستٸڭ 114-بابىنىڭ 3-بٶلٸگٸ بويىنشا كٸنەلٸ دەپ تانىلىپ, 6 ايعا باس بوستاندىعىنان شەكتەلدٸ. دەگەنمەن كونستيتۋتسييانىڭ 30 جىلدىعىنا وراي جارييالانعان راقىمشىلىققا ٸلٸنٸپ, جازادان بوساتىلدى. سونداي-اق سوت ودان قانات ەرشاننىڭ پايداسىنا مورالدىق شىعىن رەتٸندە 1 ملن تەڭگە ٶندٸردٸ. ال ەرشاننىڭ بٸرنەشە اي بويى قىزدى اڭدۋ ەرەكەتٸنە سوت شەشٸمٸندە ەشقانداي باعا بەرٸلگەن جوق.
