Atyraýda órt sóndirýshiler turǵyn úidegi órtten 38 adamdy qutqardy, dep habarlaidy "Ult aqparat".
Oblystyq tótenshe jaǵdailar departamenti baspasóz qyzmetiniń málimetine súiensek, órt 14 jeltoqsan saǵat 04:04 kezinde bolǵan.
Arnaiy qyzmettiń dispetcher pýltine Atyraý qalasyndaǵy Avangard-3 shaǵynaýdanynda ornalasqan úidiń jertólesinen tútin shyqqany jóninde habar túsken.
Shaqyrtý boiynsha jetken tótenshe jaǵdailar departamentiniń kqyzmetkerleri 5 qabatty turǵyn úidiń jertólesinde matras pen aǵash qaldyqtarynyń órtengenin anyqtady.
«Elektr kabeli men sý júiesine arnalǵan plastikalyq turbany qyzy jalyn sharpyǵan. Turǵyn úidiń dálizin tútin tumshalap, turǵyndardyń ómirine qaýip tóndi. Sol sebepti órt sóndirýshiler shuǵyl túrde 15 páterden 38 adamdy, sonyń ishinde 11 balany qaýipsiz jerge kóshirdi» dep habarlady departamenttiń baspasóz qyzmeti.
Órtti sóndirýge 10 qyzmetker men 3 tehnika jumyldyryldy. Jalyn saǵat 04:18-de oqshaýlanyp, saǵat 04:26-da tolyq óshirildi.
