Búgin Atyraýda modýldik infektsiialyq aýrýhanaǵa alǵashqy 20 patsient jatqyzyldy, dep habarlaidy "Ult aqparat".
Bul aýrýhana byltyr NCOC kompaniiasynyń demeýshiligimen eki aida boi kótergen edi. Qazir jańa nysan №2 infektsiialyq aýrýhananyń bólimshesi retinde jumysyn bastady. Oblystyq densaýlyq saqtaý basqarmasynyń basshysy Ashan Baidýálievtiń aitýynsha, 200 oryndyq modýldik tiptegi aýrýhanada 4 blok bar. Aýrýhanada 180 statsionarlyq tósek jabdyqtalǵan. Al, reanimatsiialyq kereýet pen qarqyndy terapiiaǵa 20 tósek arnalǵan.
«Aýrýhana qurylysy infektsiialyq baqylaýdyń barlyq talaptaryna sai jasaqtalǵan. Munda diagnostika jáne emdeý úshin zamanaýi meditsinalyq jabdyqtarmen – kompiýterlik tomografiiamen, sandyq rentgen, meditsinalyq gaz júiesimen, ÝDZ, EKG, ókpeni jasandy jeldetý jáne basqa da apparatarmen qamtylǵan. Sondai-aq, qaýipsizdik deńgeii joǵary aqyldy jeldetý júiesi ornatylǵan. Ár palatadaǵy tósek-orynnyń janynda medbikeni shaqyrý túimesi bar. Al, oqshaýlanǵan bokstarǵa arnaiy chipter arqyly kirýge bolady. Búirek jetkiliksizdigi bar naýqastar úshin gemodializ jasaý qyzmeti qolǵa alyndy», -deidi Ashan Baidýáliev.
Qazir modýldik infektsiialyq aýrýhanada koronavirýs infektsiiasyn juqtyrǵan 20 naýqas em qabyldap jatyr. Al, oblystyq №2 infektsiialyq aýrýhanada qaýip virýsqa shaldyqqan 84 naýqas emdelýde. Onyń ishinde 8 jansaqtaý bóliminde jatyr.
«Naýqastardyń eń úlkeni – 92 jasta, al eń kishisi – 30-da. Olardyń arasynda 3 júkti áiel boldy. Onyń ekeýi jeńildenip, qajetti emin jalǵastyrýda. Buǵan deiin koronavirýspen mektep jasyna deiingi 2 bala aýyryp, emdelip shyqty. Búgin em alyp jatqan patsientterdiń 20-sy modýldik tiptegi jańa aýrýhanaǵa aýystyryldy. Olar qalǵan emin osy meditsinalyq nysanda jalǵastyrady» - deidi oblystyq №2 infektsiialyq aýrýhana direktorynyń emdeý isi jónindegi orynbasary Nadia Erǵalieva.
Onyń aitýynsha, aýrýhanada polimerazalyq tizbekti reaktsiiaǵa (PTR) taldaý jasaityn ortalyqtandyrylǵan virýsologiialyq zerthana jumys isteidi. Munda táýligine 3000 naýqastyń analizin tekserýge múmkindik bar. Jańa aýrýhanada naýqastarǵa 15 dáriger-infektsionist, reanimatolog qyzmet kórsetedi. Olar – infektsiialyq aýrýlardy emdeý úshin aldyn ala tolyq daiyndyq kýrstarynan ótken bilikti dárigerler.
