بٷگٸن اتىراۋدا مودۋلدٸك ينفەكتسييالىق اۋرۋحاناعا العاشقى 20 پاتسيەنت جاتقىزىلدى, دەپ حابارلايدى "ۇلت اقپارات".
بۇل اۋرۋحانا بىلتىر NCOC كومپانيياسىنىڭ دەمەۋشٸلٸگٸمەن ەكٸ ايدا بوي كٶتەرگەن ەدٸ. قازٸر جاڭا نىسان №2 ينفەكتسييالىق اۋرۋحانانىڭ بٶلٸمشەسٸ رەتٸندە جۇمىسىن باستادى. وبلىستىق دەنساۋلىق ساقتاۋ باسقارماسىنىڭ باسشىسى اسحان بايدۋەليەۆتٸڭ ايتۋىنشا, 200 ورىندىق مودۋلدٸك تيپتەگٸ اۋرۋحانادا 4 بلوك بار. اۋرۋحانادا 180 ستاتسيونارلىق تٶسەك جابدىقتالعان. ال, رەانيماتسييالىق كەرەۋەت پەن قارقىندى تەراپيياعا 20 تٶسەك ارنالعان.
«اۋرۋحانا قۇرىلىسى ينفەكتسييالىق باقىلاۋدىڭ بارلىق تالاپتارىنا ساي جاساقتالعان. مۇندا دياگنوستيكا جەنە ەمدەۋ ٷشٸن زاماناۋي مەديتسينالىق جابدىقتارمەن – كومپيۋتەرلٸك توموگرافييامەن, ساندىق رەنتگەن, مەديتسينالىق گاز جٷيەسٸمەن, ۋدز, ەكگ, ٶكپەنٸ جاساندى جەلدەتۋ جەنە باسقا دا اپپاراتارمەن قامتىلعان. سونداي-اق, قاۋٸپسٸزدٸك دەڭگەيٸ جوعارى اقىلدى جەلدەتۋ جٷيەسٸ ورناتىلعان. ەر پالاتاداعى تٶسەك-ورىننىڭ جانىندا مەدبيكەنٸ شاقىرۋ تٷيمەسٸ بار. ال, وقشاۋلانعان بوكستارعا ارنايى چيپتەر ارقىلى كٸرۋگە بولادى. بٷيرەك جەتكٸلٸكسٸزدٸگٸ بار ناۋقاستار ٷشٸن گەمودياليز جاساۋ قىزمەتٸ قولعا الىندى», -دەيدٸ اسحان بايدۋەليەۆ.
قازٸر مودۋلدٸك ينفەكتسييالىق اۋرۋحانادا كوروناۆيرۋس ينفەكتسيياسىن جۇقتىرعان 20 ناۋقاس ەم قابىلداپ جاتىر. ال, وبلىستىق №2 ينفەكتسييالىق اۋرۋحانادا قاۋٸپ ۆيرۋسقا شالدىققان 84 ناۋقاس ەمدەلۋدە. ونىڭ ٸشٸندە 8 جانساقتاۋ بٶلٸمٸندە جاتىر.
«ناۋقاستاردىڭ ەڭ ٷلكەنٸ – 92 جاستا, ال ەڭ كٸشٸسٸ – 30-دا. ولاردىڭ اراسىندا 3 جٷكتٸ ەيەل بولدى. ونىڭ ەكەۋٸ جەڭٸلدەنٸپ, قاجەتتٸ ەمٸن جالعاستىرۋدا. بۇعان دەيٸن كوروناۆيرۋسپەن مەكتەپ جاسىنا دەيٸنگٸ 2 بالا اۋىرىپ, ەمدەلٸپ شىقتى. بٷگٸن ەم الىپ جاتقان پاتسيەنتتەردٸڭ 20-سى مودۋلدٸك تيپتەگٸ جاڭا اۋرۋحاناعا اۋىستىرىلدى. ولار قالعان ەمٸن وسى مەديتسينالىق نىساندا جالعاستىرادى» - دەيدٸ وبلىستىق №2 ينفەكتسييالىق اۋرۋحانا ديرەكتورىنىڭ ەمدەۋ ٸسٸ جٶنٸندەگٸ ورىنباسارى ناديا ەرعاليەۆا.
ونىڭ ايتۋىنشا, اۋرۋحانادا پوليمەرازالىق تٸزبەكتٸ رەاكتسيياعا (پتر) تالداۋ جاسايتىن ورتالىقتاندىرىلعان ۆيرۋسولوگييالىق زەرتحانا جۇمىس ٸستەيدٸ. مۇندا تەۋلٸگٸنە 3000 ناۋقاستىڭ اناليزٸن تەكسەرۋگە مٷمكٸندٸك بار. جاڭا اۋرۋحانادا ناۋقاستارعا 15 دەرٸگەر-ينفەكتسيونيست, رەانيماتولوگ قىزمەت كٶرسەتەدٸ. ولار – ينفەكتسييالىق اۋرۋلاردى ەمدەۋ ٷشٸن الدىن الا تولىق دايىندىق كۋرستارىنان ٶتكەن بٸلٸكتٸ دەرٸگەرلەر.
