Foto: ashyq derekkóz
Jańa ónim tolyqtai tabiǵi qospalardan daiyndalady jáne qorshaǵan ortaǵa qaýip tóndirmeidi, dep habarlaidy Ult.kz.
Jas ónertapqyshtyń aitýynsha, bioplastik sýǵa tózimdi jáne topyraqta bir aidyń ishinde 80 paiyzǵa deiin ydyraidy. Jobany synaý maqsatynda birneshe tájiribelik úlgi ázirlengen.
– Bul bioplastiktiń qarapaiym plastikten aiyrmashylyǵy kóp. Aldaǵy ýaqytta ony ári qarai damytyp, paket jasaýǵa niettimin. Ásirese, tamaq jetkizý qyzmeti men dúkenderge arnalǵan qaptama retinde qoldanýǵa bolady, – deidi Inabat Shabahova.
Sala mamandarynyń málimetinshe, qoldanystaǵy plastik órtengen kezde ýly zattar bóledi jáne tabiǵatta júzdegen jyl boiy joiylmaidy. Sonymen qatar ǵalymdar plastiktiń adam densaýlyǵyna keri áser etip, túrli aýrýlardyń týyndaýyna sebep bolatynyn dáleldep otyr.
– Mektepte jyl saiyn ǵylymi jármeńkeler uiymdastyrylady. Oqýshylar jetekshi ustazymen birge óz jobalaryn júzege asyrady. Inabatpen byltyrdan beri jumys istep kelemiz. Aldaǵy ýaqytta jobany jarystarda qorǵap, damytýdy josparlap otyrmyz, – dedi biologiia pániniń muǵalimi Lazifa Qairathan.
Aita keteiik, jas zertteýshi byltyr «Daryn» ortalyǵy uiymdastyrǵan oblystyq jelilik týrdan ótip, respýblikalyq kezeńge joldama alǵan.
