Foto: depositphotos.com
Atyraýda №37 orta mekteptiń muǵalimi alaiaqtyq jasady dep aiyptaldy. Ata-analardyń aitýynsha, ol senimderine kirip, grant áperemin dep ýáde bergen soń aqsha men áshekei buiymdaryn alǵan, - dep habarlaidy "Aq Jaiyq" basylymy.
Basylym málimetinshe, ata-analar toby shaǵym túsirip, muǵalim óz qyzmetin jeke múddesine paidalanǵanyn aitqan.
"Balalarymyzdy kimge senip tapsyramyz? Mektep ishinde osyndai jaǵdai bolyp jatqanda tárbiemen, bilimmen qalai maqtana alamyz?" – dep ashýlandy ata-analar.
Olar muǵalimdi dereý jumystan shyǵarýdy talap etip, qalalyq prokýratýrany, politsiiany jáne bilim basqarmasyn jaǵdaidy baqylaýǵa alyp, isti sotqa jetkizýge shaqyrdy.
Ata-analar qaýymy balalardyń taǵdyryna nemqurailyq tanytpaitynyn jáne derekter rastalǵan jaǵdaida kinálige qatań jaza qoldanýdy talap etetinin aitty.
Al bilim basqarmasy ázirge bul jaǵdaiǵa qatysty pikir bildirmegen.
Politsiia departamenti qylmystyq is qozǵalǵanyn habarlady.
"Bul derek boiynsha "Alaiaqtyq" babymen sotaldy tergeý bastaldy. Qazir keshendi tergeý sharalary júrgizilip jatyr. Tergeý múddesine bailanysty ózge aqparat jariialanbaidy", – dedi vedomstvo ókilderi.
Aita keteiik, buǵan deiin Atyraýda №30 mekteptiń burynǵy qyzmetkeri mektep direktory balalarǵa tiisip júr dep aiyptaǵan. Bul jaǵdaiǵa qatysty oblystyq bilim basqarmasy pikir bildirgen edi.
